შარდის შეუკავებლობა კაცებში – უნებლიე შარდვა დიდ დისკომფორტს იწვევს და თანაბრად მნიშვნელოვანი პრობლემაა როგორც ქალებისთვის ასევე მამაკაცებისთვის. მამაკაცებში შარდის შეუკავებლობის მიზეზი  შესაძლოა უროლოგიური ან ნევროლოგიური იყოს.

შარდის შეუკავებლობის ტიპები:

• დაძაბვით გამოწვეული შარდის შეუკავებლობა.
• შარდის ურგენტული შეუკავებლობა.
• შარდის ბუშტის გადავსებით გამოწვეული შარდის შეუკავებლობა.
• შერეული შეუკავებლობა.

შარდის შეუკავებლობა კაცებში – როგორც ვთქვით ერთ-ერთი მიზეზი შესაძლოა ნევროლოგიური დაავადებები იყოს – ნებისმიერი დაზიანება, რომელიც შეაფერხებს შარდის ბუშტისკენ მიმავალ ნერვულ სიგნალებს.

რაც შეეხება უროლოგიურ დაავადებებს, სხვა დანარჩენთან ერთად ყველაზე მნიშვნელოვანი ადგილი უკავია პროსტატის ადენომას- წინამდებარე ჯირკვლის კეთილთვისებიან ჰიპერპლაზიას. ის ყველაზე ხშირად 50 წელს გადაცილებულ მამაკაცებს უვითარდებათ.

აქედან გამომდინარე მის განვითარებაში დიდ როლს მიაკუთვნებენ ჰორმონულ დისბალანსს – ანდროგენებსა და ესტროგენებს  შორის თანაფარდობის დარღვევას. როდესაც გადიდებული პროსტატა (პროსტატის ადენომა) შარდსადინარს აწვება, ირღვევა შარდის გამოყოფის პროცესი. ამის გამო, შარდის ბუშტს, შარდისგან დასაცლელად სულ უფრო მეტი წინაღმდეგობის დაძლევა უხდება. ზედმეტი დაძაბვის გამო კი შარდის ბუშტის კუნთოვანი გარსი ჰიპერტროფიას განიცდის – სქელდება.

დროთა განმავლობაში შარდის გამოყოფა ნაკლებად ინტენსიური ხდება. შარდის ნაკადი სუსტდება, ულუფა კი მცირდება. არ ხდება შარდის ბუშტის ბოლომდე დაცლა, რასაც შარდის შეუკავებლობამდე მივყავართ.

უნრბლიე შარდვა ხდება სიცილის, ცემინების, ხველების დროს. მაშინ როცა შარდის ბუშტის მომჭერი კუნთი მოდუნებულია.  ამის ფონზე შარდის ბუშტზე მცირე ზეწოლაც კი შარდის უნებლიე დაღვრას იწვევს.

ხშირია შარდის ურგენტული შეუკავებლობა, როდესაც ადამიანს უეცრად უჩნდება მოშარდვის  სურვილი, სურვილი იმდენად ძლიერია, რომ  შარდი უნებლიედ გამოიყოფა – მიზეზი კი შარდის ბუშტის ზედმეტი აქტიურობაა. 

შარდის შეუკავებლობის დროს საჭიროა პრობლემის დროულად მოგვარება რათა თავიდან  აიცილოთ შემდგომი გართულებები.

MMT ჰოსპიტალი გთავაზობთ შარდის შეუკავებლობის მკურნალობას კონსერვატიული და ქირურგიული მეთოდებით. 032 2 23 40 23