fbpx

პროსტატის წამალი

PAFF 040118 exerciseeating 609x419

პროსტატის წამალი

პროსტატის წამალი – უფრო სწორად კი პროსტატის დაავადებების პროფილაქტიკისათვის საჭირო  და გასათვალისწინებელ რჩევებზე ვსაუბრობთ, რომელიც თავიდან აგარიდებთ მკურნალობის ქირურგიულ მეთოდს.

პროსტატა –  ზრდასრული მამაკაცის წინამდებარე ჯირკვალია, ის  გამოიმუშავებს სეკრეტს, რომელიც სპერმის დაახლოებით 30 პროცენტს შეადგენს. წინამდებარე ჯირკვლის სრულფასოვან ფუნქციონირებაზეა დამოკიდებული მამაკაცთა სექსუალური შესაძლებლობები და ნორმალური (ჯანსაღი) ცხოვრება.

წინამდებარე ჯირკვალი შესაძლოა გახდეს შემდეგი დაავადებების მიზეზი.

  • პროსტატიტი –  მამაკაცის წინამდებარე ჯირკვლის ანთება.
  • ადენომა – წინამდებარე ჯირკვლის პათოლოგიური გადიდება – კეთილთვისებიანი ჰიპერპლაზია.
  • კიბო ( ადენოკარცინომა) – ერთ-ერთი ყველაზე გავრცელებული ავთვისებიანი სიმსივნე.

სამივე მდგომარეობის წამყვანი მექანიზმი არის, ჯირკვლის უჯრედებში და ქსოვილში მიმდინარე მუდმივი ანთებითი პროცესი.

დამახასიათებელი ჩივილები:

  • ხშირი შარდვა
  • სქესობრივი ლტოლვის დაქვეითება
  • შარდვის დროს წვა
  • გაძნელებული შარდვა
  • შარდვის დროს ტკივილი
  • წელის ქვედა ნაწილში ტკივილი
  • შარდის წყვეტილი ნაკადი
  • შარდის ნაკადის შემცირება
  • ნარჩენი შარდი (როცა შარდის ბუშტი სრულად არ იცლება)

პროსტატის დაავადებების თავიდან აცილება შესაძლებელია შემდეგი რეკომენდაციების გათვალისწინებით:

  1. ფიზიკური აქტივობის გაზრდა – ვარჯიში, სეირნობა, სირბილი, ცურვა, ჩოგბურთის თამაში. ნუ ისარგებლებთ ლიფტით, ეცადეთ ხშირად იაროთ კიბეზე.  ხშირად იარეთ ველოსიპედით – ამ დროს ხდება წინამდებარე ჯირკვლების მასაჟი, ეს კი არეგულირებს მათში სისხლისა და ლიმფის მიმოქცევას და ხელს უშლის წინამდებარე ჯირკვლების დავადებას,  განსაკუთრებით მაშინ თუ მამაკაცს მუშაობისას უმეტესად ჯდომა უწევს.
  2. დაარეგულირეთ ძილის რეჟიმი
  3. ჯანსაღი კვება – მოერიდეთ მწარე, ცხარე, შებოლილ და სანელებლებით შეზავებულ კერძებს. შეზღუდეთ ალკოჰოლის, ლუდისა და გაზიანი სასმელების მიღება. კვების რაციონში უნდა შედიოდეს მოხარშული ხორცი (საქონლის ან ქათმის), მოხარშული თევზი, რძე და მისი პროდუქტები (ხაჭო, არაჟანი, ყველი, მაწონი), ბურღულეული (ბრინჯი, წიწიბურა), ბოსტნეული და ახალი ხილი, ნიგოზი, არარაფინირებული ზეთი და მწვანილი.
  4. ეცადეთ, დიდხანს არ დარჩეთ სიცივეში. მოერიდეთ ცივ ზედაპირზე (ცივ ქვაზე)  ჯდომას.
  5. რეკომენდებულია რეგულარული სქესობრივი ცხოვრება, რათა შენარჩუნდეს სპერმის მუდმივი ცირკულაცია და წინამდებარე ჯირკვლის აქტიური სისხლმომარაგება, თუმცა გასათვალისწინებელია, რომ სქესობრივი გზით გადამდები ინფექციები პროსტატიტის პროვოცირებას ახდენს, ამიტომ სქესობრივი ცხოვრება უნდა იყოს რეგულარულიც და უსაფრთხოც.
  6. ყურადღება უნდა მიექცეს კუჭ-ნაწლავის რეგულარულ მოქმედებას.

პროსტატის დაავადებების  დროს არ არის რეკომენდებული თვითმკურნალობა, აუცილებელია მიმართოთ უროლოგს, რომელიც კომპლექსურ კვლევებზე დაყრდნობით  დაგინიშნავთ შესაბამის მკურნალობას.  ყოველი მამაკაცი წელიწადში ერთხელ მაინც უნდა გადიოდეს აუცილებელ პროფილაქტიკურ შემოწმებას –  გამოკვლეული უნდა იქნეს წინამდებარე ჯირკვლის სეკრეტი და ჩატარდეს უროლოგიური კვლევა.

გაზიარება:
თეგები:
  • პროსტატის წამალი
ვიზიტის დაჯავშნა

ჩაეწერეთ ექიმთან ვიზიტზე

დატოვეთ კომენტარი:

  • ომარი :

    რომელი მედიკამენტით ვიმკურნალო პროსტატიტზე მაქვს ხშირი შარდვა და ტკივილი წელის არეში.

    • mmthospital :

      ბატონო ომარ, 10 აგვისტოს ჩაეწერთ და აქციის ფარგლებში მიიღებთ უროლოგის უფასო კონსულტაციას ასევე ფასდაკლებით ისარგებლებთ კვლევებზე. წინასწარ ჩაწერა აუციებელია 032 2234023