სისხლიანი შარდი, სამედიცინო ენაზე – ჰემატურია, წარმოადგენს უროლოგიურ დაავადებათა ერთ-ერთ გავრცელებულ სიმპტომს. სისხლი შარდში შეიძლება გამოწვეული იყოს სხვადახვა მიზეზით, თუმცა ნებისმიერ შემთხვევაში რეკომენდებული და აუცილებელია უროლოგთან ვიზიტი. იმის მიხედვით, თუ როგორ არის შესაძლებელი შარდში სისხლის შემჩნევა, ჰემატურიას უწოდებენ ,,ხილვადს’’ ან ,,უხილავს’’ , კერძოდ: თუ სისხლიანი შარდი შეუიარაღებელი თვალითაც შესამჩნევია, „ხილვად ჰემატურიას“ უწოდებენ, ხოლო თუ შარდში სისხლის აღმოჩენა მხოლოდ ლაბორატორიული გამოკვლევებითაა შესაძლებელი- „უხილავ ჰემატურიას“ .
სისხლიანი შარდის ძირითადი მიზეზები
როგორც აღვნიშნეთ შარდში სისხლი შეიძლება სხვდასხვა დაავადებებით იყოს გამოწვეული, თუმცა მისი გამომწვევი ყველაზე გავრცელებული მიზეზებია:
- შარდის ბუშტის სხვდასხვა ინფექციები
- თირკმლის ინფექცია და კენჭები
- ურეთრიტი, იგივე შარდსადენის მილის ანთება
- პროსტატის ჯირკვლის გადიდება
- შარდის ბუშტის, პროსტატის ან თირკმლის სიმსივნე
ზემოაღნიშნული მიზეზების გარდა, ზოგიერთმა მედიკამენტმა შეიძლება გამოიწვიოს სისხლიანი შარდი. ზოგიერთი ანტიბიოტიკი, სისხლის გამათხელებელი და კიბოს საწინააღმდეგო საშუალება შეიძლება გახდეს ჰემატურიის მიზეზი. ზოგიერთ შემთხვევაში შესაძლოა საჭირო გახდეს მედიკამენტის ან დოზის შეცვლა შემდგომი სისხლდენის თავიდან ასაცილებლად.
სისხლიანი შარდი ამა თუ იმ პათოლოგიის პროგრესირების მანიშნებელია. ეს სიმპტომი თავისთავად არ გაივლის, შესაბამისად, ლოდინი ან თვითმკურნალობა, ხალხური თუ სხვა საშუალებებით – დაუშვებელია! სისხლიანი შარდი მეტად სერიოზული სიმპტომია, რომელიც დაუყოვნებლივ საჭიროებს გამომწვევი მიზეზის დადგენასა და შესაბამის რაციონალურ მკურნალობას, ამიტომაც აუცილებლად მიმართეთ ექიმს!
დიაგნოსტიკა და მკურნალობა
MMT ჰოსპიტალში სისხლიანი შარდის მიზეზის დადგენა და შარდის ბუშტის პრობლემების მკურნალობა იაპონური კომპანიის/OLYMPUS ულტრათანამედროვე აპარატურით ხორციელდება. თუ გაწუხებთ სისხლიანი შარდი ან/და ექოსკოპიურად დაგიდგინდათ შარდის ბუშტში წარმონაქმნი („პოლიპი“, „წანაზარდი“, „სიმსივნე“), MMT ჰოსპიტალი გთავაზობთ:
- შარდის ბუშტის ენდოსკოპიური კვლევას სპეციალური განათებით, რომელიც ავლენს ფარულ/უხილავ სიმსივნურ კერებს (NBI რეჟიმი)
- შარდის ბუშტის წარმონაქმნის („პოლიპი“, „წანაზარდი“, „სიმსივნე“) ენდოსკოპურ/“უსისხლო“ ლიკვიდაციას
პროფესორ გურამ ქარაზანაშვილის უროლოგიურ ჰაბში, შარდის ბუშტის კიბოს ,,უსისხლო’’, ულტრათანამედროვე ენდოსკოპიური დიაგნოსტიკისა და მკურნალობის უახლესი მეთოდიკა მოიცავს:
- სტანდარტული მეთოდებით უხილავი სიმსივნური კერების აღმოჩენას სპეციალური განათებით, NBI რეჟიმის გამოყენებით
- სიმსივნური წარმონაქმნის ერთ ბლოკად, დაჭრის გარეშე, ლიკვიდაციას
- სხეულზე განაკვეთი აღარ არის საჭირო
- სტაციონარში დაყოვნება მხოლოდ 1 დღით
- აბსოლუტურად უმტკივნეულო პროცედურა
ქარაზანაშვილის რობოტული ცენტრი გთავაზობთ უროლოგიური დაავადებების მკურნალობას მსოფლიო სტანდარტების შესაბამისი მეთოდებით.
დაგვიკავშირდით:
☎ ტელ.: 0322 23 40 23
✉ ელფოსტა: info@mmt.ge
