ბოლო წლების განმავლობაში პროსტატის კიბოს გამოვლენისათვის საჭირო კვლევები მნიშვნელოვნად შეიცვალა და დაიხვეწა. ,,ფიუჟენ’’ (Fusion) ბიოფსია – ეს არის, მედიცინის ერთ-ერთი ულტრათანამედროვე მიღწევა, რომელიც პროსტატის კიბოს ადრეულ დიაგნოსტიკას მაქსიმალური სიზუსტით უზრუნველყოფს.
,,ფიუჟენ’’ (Fusion) ბიოფსია წარმოადგენს მიკრო – ექოსკოპიისა და მაგნიტური რეზონანსის (MRI) მონაცემების შერწყმას ExactVu-ს მიკრო-ულტრაბგერით პლატფორმაზე. ტექნოლოგია ხელს უწყობს უროლოგებს, განახორციელონ დამიზნებითი ბიოფსია პროსტატის კონკრეტულად იმ უბანზე, რომლიც საეჭვოა და ბიოფსირებას საჭიროებს.
რა ახალ შესაძლებლობებს იძლევა ,,ფიუჟენ’’ (Fusion) ბიოფსია პროსტატის კიბოს დიაგნოსტიკაში?
ტრადიციულად , სიმსივნის აღმოჩენის მიზნით გამოიყენება შემთხვევითი ნიმუშის მეთოდი, რომელიც გულისხმობს პროსტატის ქსოვილიდან , საშუალოდ 12-14 ბიოფტატის აღებას ნემსით . იმის გამო, რომ ეს მეთოდი შემთხვევითია, არსებობს დიდი ალბათობა, იმისა რომ კიბოს ქსოვილები კვლევის მიღმა დარჩეს , რაც ნიშნავს, რომ სიმსივნის გამოვლენამდე მამაკაცებს შეიძლება მრავალი ბიოფსია დასჭირდეთ და პროცესი გაცილებით შორს წავიდეს/გართულდეს. მაგალითად, შეერთებულ შტატებში , ყოველწლიურად, საშუალოდ 700,000 კაცს, რომლებსაც აქვთ PSA მაღალი დონე, უტარდებათ განმეორებითი ბიოფსია სიმსივნის დასადგენად.
,,ფიუჟენ’’ (Fusion) ბიოფსიით კი უროლოგებს საშუალება აქვთ დაინახონ კონკრეტული საეჭვო უბანი, საიდანაც საჭიროა საკვლევი მასალის აღება და ნემსი ზუსტი დამიზნებით, სწორედ იმ ადგილისკენ მიმართონ . გამოკვლევებმა აჩვენა, რომ ,,ფიუჟენ’’ (Fusion) ბიოფსიების მეშვეობით მცირდება განმეორებითი ბიოფსიების რაოდენობა და ტრადიციულ ბიოფსიებთან შედარებით, პროსტატის კიბოს ადრეული დიაგნოსტიკისა და მკურნალობის მაქსიმალურ საშუალებას იძლევა.
რა შემთხვევაში შეიძლება დაგჭირდეთ დამიზნებითი ,,ფიუჟენ’’ (Fusion) ბიოფსია ?
თუკი:
- პროსტატის სპეციფიკური ანტიგენის (PSA) მაჩვენებელი მომატებულია
- ვლინდება საეჭვო უბანი პროსტატის მიკრო-ულტრაბგერით კვლევისას
- ან გაქვთ უარყოფითი ტრადიციული ბიოფსიების ისტორია
,,ფიუჟენ’’ (Fusion) ბიოფსიის Პროცედურა:
MMT ჰოსპიტალის, პროსტატის დიაგნოსტიკისა და მკურნალობის ცენტრში, წარმოდგენილია ,,ფიუჟენ’’ (Fusion) ბიოფსიისათვის საჭირო ყველა ის ულტრათანამედროვე ტექნოლოგია, რომელიც ქვეყნის, რეგიონისა და უახლოესი სამეზობლოს მასშტაბით, წარმოადგენს MMT ჰოსპიტალის ექსკლუზიურ ტექნოლოგიას და მსოფლიოს წამყვანი ქვეყნებისთვისაც კი სიახლეა.
ცენტრის მაღალკვალიფიციური სპეციალისტიები ულტრათანამედროვე ტექნოლოგიის მაღალი გარჩევადობის წყალობით, MRI -ის და მიკრო-ულტრაბგერის ერთდროული კონტროლით, ახორციელებენ დამიზნებით ბიოფსიას საეჭვო უბანზე და ხდება პროსტატის კიბოს 100%-იანი დიაგნოსტიკა , რაც თითქმის შეუძლებელია ტრადიციული ბიოფსიის პირობებში . პროცედურისთვის საჭიროა იგივე მომზადება, როგორც პროსტატის სტანდარტული ბიოფსიისას, ხორციელდება ერთ დღეში და არ საჭიროებს ჰოსპიტალიზაციას.
რა უპირატესობები აქვს დამიზნებით ,,ფიუჟენ’’ (Fusion) ბიოფსიას ტრადიციულთან შედარებით?
ეს ტექნიკა ჩვენს სპეციალისტებს საშუალებას აძლევს იპოვონ ფარული სიმსივნეები, რომლებიც პროსტატის ტრადიციული ბიოფსიეების შემთხვევაში , შეიძლება ვერ გამოვლინდეს .ვინაიდან, მიკრო-ულტრაბგერის აპარატი შექმნილია სპეციალურად პროსტატის კვლევისათვის და მისი ტექნოლოგია ეფუძნება სრულყოფილ ვიზუალიზაციას, ,,ფიუჟენ’’ (Fusion) ბიოფსია MRI -ის და მიკრო-ულტრაბგერის მონაცემების შერწყმით იძლევა გარჩევადობის სრულად ახალ დონეს, რომელიც უზრუნველყოფს:
- საეჭვო ქსოვილის უზუსტეს დიფერენცირებას
- საეჭვო რეგიონების უზუსტეს ვიზუალიზაციას
- საეჭვო უბანზე უზუსტეს დამიზნებას
- დამიზნებითი ბიოფსიის რეალურ დროში წარმოებას
ჩვენ შეგვიძლია გავაკეთოთ მიზანმიმართული ბიოფსია საეჭვო უბნებზე , ამ უნიკალური მეთოდის მეშვეობით, პაციენტებს თავიდან ვარიდებთ ,,ბრმა’’ , არასაჭირო ბიოფსიებს და ვახორციელებთ პროსტატის კიბოს 100%-იან დიაგნოსტირებას, ადრეულ ეტაპზეც კი.
