საინტერესო კლინიკური შემთხვევა და ურთულესი ოპერაციების ციკლი, რომლის შედეგადაც მთელი შარდგამომყოფი გზის რესტავრირება გახდა შესაძლებელი
ამ ფოტოზე მადლიერი პაციენტი – როლანდ ცეცხლაძეა (მარჯვნივ) გადაღებული MMT ჰოსპიტლის ექიმებთან ერთად. საზღვარი არ აქვს ბატონი როლანდის მადლიერებასა და სიხარულს. ამის მიზეზს კი ახლავე მოგახსენებთ:
პაციენტი – როლანდ ცეცხლაძე, 53 წლის, ხულოს რაიონიდან.
მას საშარდე გზის ტუბერკულოზური ინფექციის შედეგად განუვითარდა ორივე შარდსაწვეთისა და შარდსადენი მილის შევიწროება, ასევე შეეჭმუხნა შარდის ბუშტი და ფაქტობრივად 2005 წლის შემდეგ სრულად შეეზღუდა შარდის გამოყოფა. ორივე თირკმელზე ჰქონდა სტომა – მილები – რომლებიც კანის ზედაპირზე იხსნებოდა და შარდი ორგანიზმიდან ამ გზით გამოიყოფოდა.
იყო სხვადასხვა უროლოგიურ კლინიკაში და ერთადერთ გამოსავლად მხოლოდ ახალი სტომის დადება შესთავაზეს – ახალგაზრდა კაცი ფაქტობრივად მთელი სიცოცხლე შარდის რეზერვუარის ტარებისთვის იყო განწირული.
თუმცა ყველაფერი მას შემდეგ შეიცვალა, რაც როლანდ ცეცხლაძემ MMT ჰოსპიტალს და გურამ ქარაზანაშვილს მიმართა. დაიგეგმა ურთულესი ოპერაციების ციკლი და ეტაპობრივად ჯერ მოხდა ორივე შარდსაწვეთის ლიკვიდაცია და ხელოვნური ნაწლავური შარდსაწვეთებისა და შარდის ბუშტის შექმნა, შარდსადენი მილის ნაწილობრივი აღდგენა, ამავდროულად ლოყის ლორწოვანი გადაინერგა შარდსადენის მიდამოში, საშარდე მილის სრული და საბოლოო აღდგენისთვის მოსამზადებლად. 6 თვეში კი გადანერგილი ლოყის ლორწოვანით მთლიანად ახალი საშარდე მილი ჩამოყალიბდა. მაშასადამე ახლიდან შეიქმნა მთელი საშარდე სისტემა – თირკმლებიდან მოყოლებული საშარდე მილის გარეთა ხვრელამდე: ხელოვნური შარდსაწვეთები, ხელოვნური შარდის ბუშტი, ხელოვნური საშარდე მილი.
როლანდ ცეცხლაძე: ეს არის საქართველოში უძლიერესი უროლოგიური კლინიკა, ბატონი გურამი კი მსოფლიოში ერთ-ერთი უძლიერესი ქირურგია, მან სასწაული შეძლო. ყველანაირი იმედი მქონდა გადაწურული და სიცოცხლე თავიდან დავიწყე. კლინიკაში საუკეთესო მომსახურებაა. დაზღვევითაც ვისარგებლე. ახლა აღარაფერი მაწუხებს. მადლობელი ვარ ყველაფრისთვის.
მსგავსი პუბლიკაციების შემდეგ მავანნი ხშირად კითხულობენ, კი მაგრამ ასეთ ოპერაციებს ხომ მიუწვდომელი ფასი აქვსო? – გვერწმუნეთ, რასაც გზააბნეული პაციენტი წლების განმავლობაში ხარჯავს, იმას ნამდვილად არ შეედრება სწორად დიაგნოსტირებული და მით უმეტეს კვალიფიციურად და სწორად ნამკურნალევი პაციენტის დანახარჯი. და ბოლოს, ვერაფერი შეედრება იმ სიხარულს, რასაც ასეთი დიაგნოზის შემდეგ ხელახალი დაბადება ჰქვია.
მიხარია ,როცა ასეთი სასიკეთო სიახლეები ინერგება ჩემს ქვეყანაში, მრავალი იმედგადაწურული ადამინიანის გადარჩენისთვის, უფალი უხვად დაგაჯილდოებთ ზეცაში! წარმატებები თქვენ! ბრავო!
როლანდი ბიძია ძალიან მიხარია რომ ყველაფერი ასე კარგად დამთავრდა… მადლობა მინდა გადავუხადო MMT ჰოსპიტალს და გურამ ქარაზანაშვილს ასეთი პროფესიონალიზმის, სითბოსა და სიყვარულისთვის… ყოველი ოპერაციის შემდეგ როლანდი ბიძია გამოხატავდა თქვენს მიმართ მადლიერებას და კეთილგანწყობილებას…❤❤❤
MMT Hospital mixaria ROM arsebob.batono Guram_meamayebit, Gmertma daglocot da cala mogcet,”brcolis velidan”yoveltvis gamarjvebyli gamosyliyavit.