ერექციული დისფუნქციის მკურნალობა

ერექციული დისფუნქციის მკურნალობა – დარტყმით-ტალღოვანი თერაპია

ერექციული დისფუნქციის მკურნალობა – ერექციული დისფუნქცია სქესობრივი აქტის განხორციელებისათვის საჭირო ერექციის მიღწევისა და შენარჩუნების უუნარობაა. მას სხვაგვარად იმპოტენციასაც უწოდებენ.

აღნიშნული პათოლოგია აშშ-ში 20 მილიონამდე მამაკაცის პრობლემაა. ჯანდაცვის მსოფლიო ორგანიზაციის (ჯანმოს) მონაცემებით ნაწილობრივი ან სრული ერექციული დისფუნქცია 40-დან 70 წლამდე ასაკის მამაკაცთა 50% თან გვხვდება. სიხშირის მაჩვენებელი ასაკთან ერთად იზრდება, თუმცა, პაციენტთა დიდ ნაწილთან იმპოტენციის მკურნალობა ეფექტური და შედეგიანია.

ერექციული დისფუნქცია უმრავლეს შემთხვევაში დაკავშირებულია სისხლძარღვოვან, ნევროლოგიურ, ფსიქოლოგიურ და ჰორმონულ დარღვევებთან. მიზეზად შეიძლება ზოგი პრეპარატის მიღებაც მოგვევლინოს.

თავის მხრივ, იმპოტენციის (სქესობრივი უძლურების) განმაპირობებელი სისხლძარღვოვანი თუ ნევროლოგიური დარღვევები უხშირესად ათეროსკლეროზისა და შაქრიანი დიაბეტის შედეგია. სასქესო ასოს კავერნოზული არტერიების ათეროსკლეროზს უხშირესად სწორედ შაქრიანი დიაბეტი და მოწევა იწვევს.

ასაკობრივი და ათეროსკლეროზული ცვლილებები ამცირებს არტერიათა გაფართოების უნარს, აფერხებს მათი გლუვი კუნთების მოდუნებას, შედეგად ირღვევა სასქესო ასოს მღვიმოვანი სხეულის სისხლმომარაგება, გარდა ამისა, ვენების ოკლუზიის (დახშობის) დისფუნქცია ვენური ნაკადის გადინების მიზეზი ხდება, რაც კიდევ უფრო მეტად აღრმავებს ერექციულ დისფუნქციას, ერექციის შენარჩუნება პრაქტიკულად შეუძლებელი ხდება.

ასეთ დროს ერექციული დისფუნქციის მკურნალობა განსაკუთრებულად ეფექტურია დარტყმით-ტალღოვანი თერაპიით, მეთოდი, რომლის დროსაც სასქესო ასოს ზედაპირიდან ღრმად მდებარე ქსოვილებზე მაღალი ენერგიის დაბალსიხშირული აკუსტიკური ტალღების ზემოქმედება ხდება.

პროცედურა სრულიად უმტკივნეულო, არაინვაზიური, უსაფრთხო და რაც მთავარია, მაღალეფექტურია, რადგან ქსოვილებში ფოკუსირებული ტალღები ასტიმულირებს ახალი არტერიოლების წარმოქმნას (ნეოანგიოგენეზს), აუმჯობესებს ასოს მღვიმოვანი სხეულის სისხლმომარაგებას და ქსოვილთა ოქსიგენაციას (ჟანგბადით მომარგებას), თავის მხრივ, მიკროცირკულაციის გაუმჯობესება აწესრიგებს ასოს ქსოვილთა ტროფიკას, ააქტივებს ერექციის წარმოქმნის სისხლძარღვოვანი მედიატორების გამომუშავებას, აჩქარებს ქსოვილთა გაჯანსაღების პროცესს, ხელს უწყობს უჯრედთა რეგენერაციას და უზრუნველყოფს ერექციის განვითარებას.

დარტყმით-ტალღოვან თერაპიას არ გააჩნია გვერდითი მოვლენები. პროცედურა ადვილად გადასატანია ნებისმიერი ასაკის პაციენტისთვის. ერექციული ფუნქციის გაუმჯობესება პირველივე პროცედურის შემდეგ შეინიშნება, რაც დიდ ფსიქომასტიმულირებელ გავლენას ახდენს პაციენტებზე.

დარტყმით-ტალღოვანი თერაპიის კურსი უკუნაჩვენებია შემდეგ შემთხვევებში:

• სისხლის შედედების დარღვევა (ჰემოფილია);
• მწვავე ინფექციური დაავადებები;
• ანტიკოაგულანტების გამოყენება (განსაკუთრებით მარკუმარის);
• თრომბოზები;
• სიმსივნური წარმონაქმნები;
• კარდიოსტიმულატორის არსებობა.

საბედნიეროდ, ამ უახლესი მეთოდით მკურნალობა უკვე საქართველოშიცაა შესაძლებელი! MMT ჰოსპიტალში შეგიძლიათ გაიაროთ ეს პროცედურა შვეიცარიული წქრმოების ულტრათანამედროვე აპარატით Storz DUOLITH.

MMT ჰოსპიტალი – გურამ ქარაზანაშვილის უროლოგიური ცენტრი

დაგვიკავშირდით: ☎ ტელ.: 0322 23 40 23 ✉ ელფოსტა: info@mmt.ge