პროსტატის კეთილთვისებიანი ჰიპერპლაზია, საზოგადოებაში ცნობილი როგორც პროსტატის ადენომა, მამაკაცებში ერთ-ერთი ყველაზე გავრცელებული უროლოგიური პათოლოგიაა. იგი წარმოადგენს წინამდებარე ჯირკვლის პათოლოგიურ გადიდებას, რომლის განვითარებაშიც წამყვან როლს ჰორმონული დისბალანსი, კერძოდ, ანდროგენებსა და ესტროგენებს შორის თანაფარდობის დარღვევა ასრულებს. დროთა განმავლობაში, გადიდებული ჯირკვალი აწვება შარდსადენ მილს, რაც შარდის გამოყოფის პროცესის მნიშვნელოვან დარღვევას იწვევს.
პათოფიზიოლოგია და კლინიკური გამოვლინებები
როდესაც გადიდებული პროსტატა შარდსადინარზე მექანიკურ ზეწოლას ახდენს, შარდის ბუშტს შარდისგან სრულად დასაცლელად გაზრდილი წინაღმდეგობის დაძლევა უწევს. ეს ქრონიკული დატვირთვა იწვევს შარდის ბუშტის კუნთოვანი გარსის გასქელებას, რაც დროთა განმავლობაში მის ფუნქციურ შესაძლებლობებს აქვეითებს.
დაავადების დროული დიაგნოსტიკა კრიტიკულად მნიშვნელოვანია ისეთი სერიოზული უროლოგიური გართულებების თავიდან ასაცილებლად, როგორიცაა:
- საშარდე გზების ქრონიკული ინფექციები
- კენჭების ფორმირება შარდის ბუშტში
- თირკმლის ფუნქციის დარღვევა და დაზიანება
პროსტატის ადენომის ძირითადი სიმპტომებია:
- მოშარდვის პროცესის გაძნელება ან პორციული შარდვა
- შარდის ნაკადის შესუსტება
- არასრული დაცლისა და დაუკმაყოფილებლობის შეგრძნება
- გახშირებული შარდვა, განსაკუთრებით ღამის საათებში (ნიქტურია)
- ტკივილის ან დისკომფორტის შეგრძნება მოშარდვისას
პროსტატის ადენომის სადიაგნოსტიკო კვლევებია:
- პროსტატის მიკრო-ულტრაბგერა 29MHz – ეს არის ვიზუალიზაციის ინოვაციური მეთოდი,
რომელიც ტრადიციულ ულტრაბგერით კვლევასთან შედარებით უზრუნველყოფს გაცილებით მაღალი რეზოლუციის 300%-ით გადიდებულ გამოსახულებას. კლინიკური მონაცემებით, მიკო-ექოსკოპიის დიაგნოსტიკური სიზუსტე პროსტატის კიბოს იდენტიფიცირებაში უტოლდება, ზოგიერთ შემთხვევაში კი აღემატება მაგნიტურ-რეზონანსული ტომოგრაფიის (MRI) შესაძლებლობებს. ქარაზანაშვილის რობოტული ცენტრი არის ტექნოლოგიურ ლიდერი რეგიონში, ვინაიდან მან არა მხოლოდ პირველმა უზრუნველყო ამ უახლესი დიაგნოსტიკური მეთოდის ხელმისაწვდომობა, არამედ დღემდე ინარჩუნებს ექსკლუზიურ სტატუსს და წარმოადგენს ერთადერთ ცენტრს კავკასიასა და შავი ზღვის რეგიონში, სადაც პაციენტებს შეუძლიათ ამ კვლევის ჩატარება.
- კრეატინინი
- შარდის საერთო ანალიზი
- უროფლომეტრია – შარდის ნაკადის განსაზღვრა
- ურეთროცისტოგრაფია შარდის ბუშტის რენტგენოკონტრასტული გამოკვლევა.
ქირურგიული მკურნალობის მეთოდების მიმოხილვა
პროსტატის ადენომის ქირურგიული მკურნალობა წლების განმავლობაში მნიშვნელოვნად განვითარდა. განვიხილოთ ძირითადი მეთოდები:
- ღია ადენომექტომია: ეს არის ტრადიციული ქირურგიული მიდგომა, რომელიც ხასიათდება მაღალი ინვაზიურობით. მას თან ახლავს მნიშვნელოვანი სისხლდენა, ხანგრძლივი პოსტოპერაციული და სარეაბილიტაციო პერიოდი და, შესაბამისად, კლინიკაში ხანგრძლივი დაყოვნება.
- ჰოლეპი ლაზერული ენუკლეაცია (HoLEP): გასული საუკუნის ბოლოს დანერგილი ეს მეთოდი წარმოადგენდა ნაკლებად ინვაზიურ ალტერნატივას. მიუხედავად საწყისი პოპულარობისა, კლინიკურმა პრაქტიკამ აჩვენა გარკვეული გართულებები, მათ შორის პოსტოპერაციული ცხელება, დამაზიანებელი თერმული ენერგია და საშარდე მილის შევიწროება (სტრიქტურა). დროთა განმავლობაში, იგი თანამედროვე ტექნოლოგიებმა, კერძოდ, რობოტულმა ქირურგიამ ჩაანაცვლა.
- რობოტული ადენომექტომია: თანამედროვე ოქროს სტანდარტი
რობოტული ქირურგია წარმოადგენს პროსტატის ადენომის მკურნალობის ყველაზე თანამედროვე
და ეფექტურ მეთოდს. ქარაზანაშვილის რობოტული ცენტრი პაციენტებს, წლებია სწორედ ამ მეთოდს სთავაზობს, რომლის უპირატესობებიც უდავოა:
- მინიმალური ინვაზიურობა: ოპერაცია ტარდება მცირე ზომის განაკვეთებით, რაც ამცირებს ქსოვილების ტრავმატიზაციას.
- მინიმალური სისხლის დანაკარგი: რობოტული სისტემის სიზუსტე და ვიზუალიზაცია სისხლდენის რისკს მინიმუმამდე ამცირებს.
- დაბალი პოსტოპერაციული რისკები: მნიშვნელოვნად შემცირებულია ინფექციური გართულებების და პოსტოპერაციული ტკივილის ალბათობა.
- სწრაფი რეაბილიტაცია: პაციენტები საჭიროებენ ხანმოკლე ჰოსპიტალიზაციას და სწრაფად უბრუნდებიან ცხოვრების ჩვეულ რიტმს.
ეს უპირატესობები პაციენტებს ეხმარება, მარტივად მიიღონ ინფორმირებული გადაწყვეტილება და აირჩიონ მკურნალობის ყველაზე უსაფრთხო და ეფექტური გზა.
დასკვნა
ქარაზანაშვილის რობოტული ცენტრი, თავისი მრავალწლიანი გამოცდილებით, წარმოადგენს მოწინავე კლინიკას კავკასიისა და შავი ზღვის რეგიონში. ცენტრში წარმატებით ტარდება უროლოგიური, გინეკოლოგიური, ონკოლოგიური და მუცლის ღრუს დაავადებების მკურნალობა რობოტული ქირურგიის მეშვეობით, რაც პაციენტებს სთავაზობს მსოფლიო სტანდარტების შესაბამის სამედიცინო მომსახურებას.
