სათესლე ჯირკვლის ტკივილი – სათესლე ჯირკვლების სამედიცინო მკურნალობა შეიძლება იყოს როგორც უკიდურესად მარტივი ასევე უაღრესად რთული. სათესლეები მამაკაცებისთვის დელიკატური ადგილია და ნებისმიერი სამედიცინო საკითხი ან სიტუაცია სერიოზულად უნდა იქნას მიღებული. ეს სტატია მოგაწვდით სათესლე ჯირკვლის ტკივილის თუ სხვა პრობლემების პოტენციურ მიზეზებსა და მკურნალობას, მათ შორის რამდენიმე საინტერესო ფაქტს ამ მგრძნობიარე თემის შესახებ.
სათესლე ჯირკვლების ტკივილი – პოტენციური მიზეზები:
ტკივილი სათესლე ჯირკვლებში და ასევე სხვა დაავადებები ყველაზე ხშირად გამოწვეულია ინფექციისგან, რომელიც მეორადად ვითარდება პროსტატიტის ან საშარდე გზებში ინფექციის დროს. ასევე აუცილებელია სქესობრივი გზით გადამდები ინფექციების გამორიცხვა, განსაკუთრებით ახალგაზრდა მამაკაცებში.
სათესლე ჯირკვლების დაავადებებს მიეკუთვნება სხვადასხვა პათოლოგიები:
- ორქიტი, ეპიდიდიმიტი, ორქოეპიდიმიტი – ანთებითი დაავადებები, რომლებმაც შესაძლოა გამოიწვიონ ტკივილი ჯირკვლებში
- ვარიკოცელე, სათესლე ჯირკვლის ვენების ვარიკოზულმა გაგანიერებამ ასევე შეიძლება გამოიწვიოს ტკივილი.
- ჰიდროცელე, სათესლე პარკში ჭარბად სითხის დაგროვება, რომელიც შეიძლება იყოს გამოწვეული როგორც ანთებითი პროცესებით ასევე ტრავმის შედეგად ჩამოყალიბებული.
ანომალიებიდან უხშირესად პაციენტებში ვლინდება:
- სათესლე ჯირკვლის ჰიპოპლაზია (მისი ზომებში შემცირება)
- კრიპტორქიზემი (სათესლე ჯირკვლის ადგილმდებარეობა საზარდულის არხში ან მუცლის ღრუში)
ყოველთვის აუცილებელია პაციენტებში იყოს გამორიცხული ჯირკვლების სიმსივნური პროცესი.
სათესლე ჯირკვლების ან მისი დანამატების პროცესების დროს წამყვანი სიმპტომი არის ტკივილი და ზომებში მატება. ხანდახან ამას ემატება მაღალი ტემპერატურა და ინტოქსიკაციის სხვა სიმპტომები
თუ თქვენ გაწუხებთ ტკივილი სათესლე ჯირკვლებში, გართულებების პრევენციის მიზნით აუცილებელია ექიმ უროლოგთან კონსულტაცია. ხანდახან ტკივილი შეიძლება იყოს გამოწვეული სათესლე ჯირკვლის შემოგრეხვით, რომლის დროს დაუყოვნებლივ უნდა იყოს ჩატარებული ქირურგიული ჩარევა.
დიაგნოსტიკა:
- ძირითად გამოკვლევებს მიეკუთვნება:
- სათესლე ჯირკვლების ექოსკოპია
- სისხლის და შარდის საერთო ანალიზები
- შარდის ბაქტერიული გამოკვლევა (საჭიროების შემთხვევაში)
- სგგი-ს დიაგნოსტიკა
- პროსტატის და ზედა საშარდე გზების საფუძვლიანი შესწავლა
ექიმ უროლოგს ევალება მოახდინოს სხვადასხვა პათოლოგიის დიფერენციაცია, ზუსტი დიაგნოზის დასმა, თანმხლები დაავადებების შეფასება და შემდგომი მკურნალობის ან/და რეკომენდაციის გაცემა.
MMT ჰოსპიტალი გთავაზობთ, სათესლე ჯირკვლების მკურნალობას მსოფლიო სტანდარტების შესაბამისი მეთოდებით! დაგვიკავშირდით: 0322 23 40 23
