უკვე გატყობინებდით, რომ 26-27 ოქტომბერს თბილისში, ივანე ჯავახიშვილის სახელობის უნივერსიტეტში ტარდება საქართველოს ონკოუროლოგთა ასოციაციის მიერ ორგანიზებული კონგრესი. მისი მასშტაბები და მნიშვნელობა განუზომელია ქართული მედიცინისათვის და უფრო მეტიც, სრულიად საქართველოსთვის, მისი მომავლისათვის. რატომ? აი, 4 პუნქტი, რომლებიც ამ ყველაფერში თავად დაგარწმუნებთ:
- ქართული ასოციაციის მიერ ორგანიზებული ასეთი მასშტაბის ღონისძიება უპრეცედენტოა ჩვენი მედიცინის ისტორიაში. 26 ოქტომბერს თბილისს ეწვევიან მსოფლიოს უმაღლესი რანგის სპეციალისტები ონკოლოგიასა და უროლოგიაში. დარგის წამყვანი სპეციალისტების ვიზიტი სასიკეთოდ წაადგება ქართულ მეცნიერულ მედიცინას, ჩვენი ქვეყნის საერთაშორისო აღიარებასა და ცნობადობას.
- კონგრესს ესწრებიან ჩვენი რეგიონის – ყველა მეზობელი ქვეყნის – ასოციაციათა პირველი პირები. დღევანდელი დაძაბული პოლიტიკური მდგომარეობის ფონზე, ესეც უპრეცედენტო შემთხვევაა. ამით გაიზრდება ჩვენი მედიცინის ავტორიტეტი რეგიონში.
- კონგრესი იქნება ფართომასშტაბიანი სამედიცინო საზოგადოების თავყრილობა, მას დაესწრებიან: ონკოლოგები, უროლოგები, რადიოლოგები, პათოლოგანატომები, ფუნდამენტური მეცნიერებების წარმომადგენლები, აგრეთვე – რეზიდენტები და სტუდენტები.
- კონგრესიდან იქნება ცოცხალი ტრანსლაცია ონკოუროლოგიური ასოციაციის ვებგვერდზე gaou.ge და MMT ჰოსპიტლის ვებგვერდზე mmt.ge ონკოუროლოგიური ასოციაციის წევრებისთვის დასწრება იქნება უფასო და ქართველი სტუმრებისათვის ორგანიზებული იქნება პირდაპირი თარგმანი. ამდენად კონგრესი არ ქმნის ბარიერებს ქართული სამედიცინო საზოგადოებისათვის, ყველა საშუალებით ცდილობს ხელი შეუწყოს მას, რომ მონაწილეობა მიიღოს ამ უდიდეს მსოფლიო ფორუმში, ეს ყველაფერი კი ემსახურება ქართული მედიცინის აღმავლობას და განვითარებას.
დასკვნის სახით კი აღვნიშნავთ, რომ ონკოუროლოგიური ასოციაციის მეორე მსოფლიო კონგრესი არის უდიდესი ინვესტიცია ჩვენი მედიცინისა და ჩვენი ქვეყნის წარმატებული მომავლისათვის.
Rogor davregistrirde var radiologi minda daswreba
შედით საიტზე: http://gaou.ge/ka/ და თუ სურვილი გაქვთ, გახდით ონკოუროლოგიური ასოციაციის წევრი. ამის შემდეგ კი დარეგისტრირდით კონგრესზე – ასოციაციის წევრი ქართველი ექიმებისთვის კონგრესზე დასწრება უფასოა.
ეს დიდი სახელმწიფოებრივი ღონისსიებაა. მის ამ დონეზე ორგანიზება დიდი შრომის, კოლეგათა მიერ აღიარების და მრავალწლიანი პროფესიონალური ურთიერთობით დამყარებული პირადი კონტაქტების შედეგია. ვულოცავ გურამ ქარაზანაშვილს !!! მას უზომოდ უყვარს თავისი საქმე და თავისი სამშობლო.
უამრავი ადამიანი იტანჯება საშარდე გზების ინფექციით და მისი გართულებით, უროსეფსისით.პრევევენციულ ღონისძიებებში თუ არის რაიმე მნიშვნელოვანი სიახლე.
მოგესალმებით ქალბატონო მარინე,გააჩნია რომელ რისკ ჯგუფში ბრძანდებით, ესე ზოგადი პრევენციულ ღონისძიებები არ არის.
მე ვარ ბატონი გურამის პაციენტი სადაც გავიკეთე ოპერაცია. რისთვისაც უხდი დიდ მადლობას.
გილოცავთ ასეთი მაღალი დონის მსოფლიო კონგრესის ჩატარებას ჩვენო სასიქადულო უროლოგებო. წარმატებები თქვენს საქმიანობას