მენსტრუალური ციკლის დარღვევა

მენსტრუალური ციკლის დარღვევა ყველაზე გავრცელებულ გინეკოლოგიურ  პათოლოგიად ითვლება. სტატისტიკის თანახმად, ის ყოველ მეორე ქალს აქვს.

ნორმალური მენსტრუალური ციკლის  ხანგრძლივობა შეადგენს 28-35 დღეს. უფრო ხანგრძლივი პერიოდი უკვე ნიშნავს, რომ ადგილი აქვს მენსტრუალური ციკლის დარღვევას.

მენსტრუაციული ციკლის დარღვევის ტიპები

არსებობს მენსტრუალური ციკლის დარღვევის სხვადასხვა ტიპი: შემცირებული მენსტრუაცია ანუ  ოლიგომენორეა – ამ დროს მენსტრუაციული ციკლის ხანგრძლივობა 35 დღეზე მეტია; ხშირი მენსტრუაცია – პოლიმენორეა, როდესაც შუალედი 25 დღეზე ნაკლებია; არარეგულარული ციკლი – დისმენორეა; მენსტრუაციის არარსებობა  – ამენორეა; მტკივნეული მენსტრუაცია  – ალგოდისმენორეა; ჭარბი მენსტრუაცია  – ფაქტობრივად სისხლდენა ანუ მენორაგია. ზემოთ ჩამოთვლილი ტიპებიდან ყველაზე ხშირია ალგოდისმენორეა რაც ნიშნავს მტკივნეულ მენსტრუაციას.

რეპროდუქციული ასაკის ქალბატონებში დისფუნქციური სისხლდენა და მენსტრუალური  ციკლის დარღვევა უფრო ხშირია. ამ ასაკის ქალებს ხშირად აქვთ პათოლოგიური სისხლდენა მენსტრუაციის შეფერხებიდან 1,5-6 თვის შემდეგ.  ამის მიზეზი   ორგანული პათოლოგიაა, უმეტესად  კი ენდომეტრიუმის პოლიპი  ჰიპერპლაზია, ან საშვილოსნოს მიომა.

მენსტრუალური ციკლის დარღვევის მიზეზი შესაძლოა იყოს ავიტამინოზი, ხშირი დიეტა,  ჰორმონალური დარღვევა, ინფექციური დაავადება, გინეკოლოგიური  ჩარევა, ღვიძლის დაავადება, ჭარბი წონა.  არანაკლებ როლს ასრულებს გენეტიკური განწყობაც.

სისხლდენით გამოხატული ციკლის დარღვევა იწვევს, ანემიას, ორგანიზმის დასუსტებას, საშვილოსნოს და მისი დანამატების ინფექციურ დაავადებებს.

თვითმკურნალობა,  მეგობრის  რჩევით ჰორმონული პრეპარატების მიღება დაუშვებელია. ამან შესაძლოა მდგომარეობა უფრო დაამძიმოს, არადიაგნოსტირებული დარჩეს ისეთი ორგანული პათოლოგიები, როგორიც არის საშვილოსნოს მიომა, ენდომეტრიუმის პოლიპი, ჰიპერპლაზია, ენდომეტრიოზი, საშვილოსნოს სიმსივნე, რომელიც ოპერაციულ ჩარევას საჭიროებს.

მენსტრუაციული ციკლის დარღვევა – გამომწვევი მიზეზები

მენსტრუალური ციკლის დარღვევის მიზეზები შეიძლება იყოს:

• ცირე თეძოს ორგანოების ინფექცია;
• ჰორმონალური დარღვევები;
• ემოციური განცდები;
• ბუნებრივი და ფიზიკური ფაქტორების ზემოქმედება;
• ბავშვობაში გადატანილი ხშირი გაციება;
• ბავშვობაში გადატანილი ინფექციური დაავადებები

სიმპტომები

დაავადებისთვის დამახასიათებელია შემდეგი სახის სიმპტომები:

• მენსტრუალური ციკლის ხანგრძლივობის შეკვეცა;
• გამოყოფილი სისხლის მოცულობის შემცირება;
• მენსტრუალური ციკლის რეგულარობის დარღვევა;
• მენსტრუაციის დროს უწყვეტი ტკივილი.

აღნიშნული პრობლემის უყურადღებოდ დატოვება იწვევს ისეთი სახის გართულებებს, როგორიცაა:

• საშვილოსნოს ანთებით პროცესი;
• ცისტიტი;
• საშვილოსნოს და საკვერცხეების ავთვისებიანი და კეთილთვისებიანი სიმსივნეები
• უნაყოფობა

მნიშვნელოვანია, რომ ქალებმა ყურადღება მიაქციონ მენსტრუალური ციკლის ნებისმიერ ცვლილებას და მიმართონ ექიმს თუ შეამჩნევენ რაიმე დარღვევას ან პათოლოგიურ სისხლდენას. რეგულარული გინეკოლოგიური გამოკვლევები ხელს შეუწყობს პოტენციური პრობლემის იდენტიფიცირებას და თავიდან აცილებას. ჯანსაღი ცხოვრების წესის დაცვა, მათ შორის დაბალანსებული დიეტა და რეგულარული ვარჯიში, ასევე დაგეხმარებათ მენსტრუალური ციკლის დარეგულირებაში.

“ქარაზანაშვილის რობოტული ცენტრი” გთავაზობთ გინეკოლოგიური პათოლოგიების მკურნალობას