თირკმლის კიბოს ლაპარასკოპიული მკურნალობა • MMT ჰოსპიტალი - უროლოგიური და გინეკოლოგიური ჰაბი

თირკმლის კიბოს ლაპარასკოპია

თირკმლის ლაპარასკოპი

თირკმლის ლაპარასკოპიული ოპერაცია

თირკმლის კიბოს ლაპარასკოპიული მკურნალობა

თანამედროვე მინიინვაზიური  მეთოდი  MMT-ჰოსპიტალში

თუ თქვენ თირკმელში მცირე ზომის სიმსივნური წარმონაქმნი დაგიდგინეს ან კიდევ თირკმლის I და II სტადიის კიბოს დიაგნოზი დაგისვეს, გირჩევთ, მიაკითხოთ MMT-ჰოსპიტალს, სადაც მაღალკვალიფიციური და დახელოვნებული სპეციალისტები უახლესი აპარატურის გამოყენებით ნაკლებტრავმული, მცირეინვაზიური და  მაქსიმალურად  დამზოგველი მეთოდით (ლაპარასკოპიული  მკურნალობა) გადაგიჭრიან  პრობლემას!

MMT-ჰოსპიტალში – გურამ ქარაზანაშვილის უროლოგიურ ჰაბში – უკვე მე-6 წელია, რაც თირკმლის კიბოს თანამედროვე მინიინვაზიური ლაპარასკოპიული მეთოდით  მკურნალობენ.

გაითვალისწინეთ, აღნიშნული მეთოდი არის თანამედროვე მსოფლიო სტანდარტი თირკმლის I და II სტადიის კიბოს მკურნალობაში და ის დიდი წარმატებით ხორციელდება გურამ ქარაზანაშვილის უროლოგიურ ჰაბში!

რა  უპირატესობებს ფლობს  ლაპარასკოპიული მეთოდი? რატომ მიიჩნევა ის მსოფლიო სტანდარტად? რატომ არ არის საჭირო ყოველთვის  ღია წესით  ოპერაციის ჩატარება?

ვიზიტზე ჩასაწერად დაგვიკავშირდით: +995 32 2234023 ან +9950555393267

ამ და სხვა საინტერესო საკითხებზე გთავაზობთ დეტალურ ინფორმაციას:

რატომ  არის  საზოგადოდ  პრობლემური  თირკმლის  ოპერაცია?

თირკმლის ოპერაცია, უპირველესად, განაკვეთის ტრავმულობით გამოირჩევა. განაკვეთი ამ დროს ძალიან გრძელია, სქელი კუნთოვანი გარსის გადაკვეთის გამო შეხორცებითი პროცესის სათანადოდ წარმართვის შემთხვევაშიც კი  კოსმეტიკური თვალსაზრისით დიდი პრობლემები იქმნება,  ნაწიბური უხეშია, ხშირად ირღვევა კუნთების ინერვაცია, რის გამოც კუნთები დუნდება და ფორმას კარგავს, ზოგჯერ თიაქარივით ამოიბურცება.  პოსტოპერაციული პერიოდი, ჩვეულებრივ, დიდ ტკივილთან არის დაკავშირებული, სარეაბილიტაციო პერიოდი ხანგრძლივია და ბევრ  პრობლემას მოიცავს, შესაბამისად, მინიივაზიურ (ანუ მინიმალური ჩარევით მიმდინარე) ლაპარასკოპიულ მეთოდს ძალიან დიდი მნიშვნელობა ენიჭება.

თანამედროვე გზამკვლევებით (ე.წ გაიდლაინებით), თირკმლის I და II სტადიის  კიბოს მკურნალობა ლაპარასკოპიული მეთოდითაა რეკომენდებული, განსხვავებით III და IV სტადიის სიმსივნეებისგან, რომელთა დროსაც ძალიან რთული ქირურგიული ჩარევაა  საჭირო,  გამომდინარე იქედან, რომ სიმსივნე ზოგჯერ მეზობელ ორგანოებშია ჩაზრდილი, მარჯვენა თირკმლის სიმსივნე შეიძლება ჩაზრდილი იყოს ღვიძლში, მარცხენა თირკმლის კიბო – პანკრეასში, მიხორცებული იყო ელენთასთან, სიმსივნური თრომბი შესაძლოა ქვემო ღრუ ვენაში ვრცელდებოდეს და სხვა.

რას  გულისხმობს  ლაპარასკოპიული  მეთოდი  და  როგორ  იყენებენ  მას MMT -ჰოსპიტალში?

ლაპარასკოპია საზოგადოდ, თანამედროვე ქირურგიული მეთოდია, რომლის დროსაც შინაგან ორგანოებზე  ოპერაციას მუცლის კედელზე შექმნილი მცირე ზომის (0,5-1,5 სმ) ხვრელიდან სპეციალური ინსტრუმენტის-ლაპარასკოპის დახმარებით აწარმოებენ.

MMT-ჰოსპიტალში – გურამ ქარაზანაშვილის უროლოგიურ ჰაბში – თირკმლის კიბოს მკურნალობას, ჰემინეფრექტომიებს (თირკმლის ნახევრის მოკვეთას), ნეფრექტომიებს (თირკმლის სრულ ამოკვეთას) ტრანსაბდომინური მიდგომით (ანუ მუცლის ღრუს გავლით), მსოფლიო სტანდარტების შესაბამისად თანამედროვე ლაპარასკოპიული მეთოდით ახორციელებენ. თირკმელთან ტრანსაბდომინური (ანუ მუცლის ღრუს გავლით) მიდგომა უფრო მოხერხებულია, ფართო მანიპულირების საშუალებას იძლევა. თირკმლის ლაპარასკოპიის დროს მნიშვნელოვანია საორიენტაციო ხაზების გათვალისწინება, ორგანოს მობილიზაციისა და გამოყოფისათვის არსებობს ორი მიდგომა. ოპერატორს შეუძლია პირდაპირ სისხლძარღვებზე გავიდეს, ჯერ ისინი გადაკვანძოს და მერე გამოყოს დაავადებული თირკმელი ან კიდევ  ორგანოსთან მისადგომად უკეთესი ორიენტირებისათვის შარდსაწვეთს გაჰყვეს

ვიზიტზე ჩასაწერად დაგვიკავშირდით: +995 32 2234023 ან +9950555393267

MMT-ჰოსპიტალის გამოცდილი, დახელოვნებული ქირურგები უმაღლეს დონეზე ახორციელებენ ლაპარასკოპიულ ჩარევებს. თირკმლის სიმსივნური პათოლოგიის დროს ჯერ სისხლძარღვების მობილიზებას ახდენენ, სპეციალური ჩამკეტებით (კლიპებით, რომლებსაც ჩაცურების მინიმალური რისკი აქვთ) გადაკვანძავენ მათ, კვეთენ და მხოლოდ ამის შემდეგ გამოყოფენ სიმსივნით დაზიანებულ თირკმელს. ონკოლოგიური პრინციპების დაცვის თვალსაზრისით ამგვარი მიდგომა სავალდებულოა, რადგან თუ ვენა წინასწარ არ იქნება გადაკეტილი, თირკმლის ამოკვეთის დროს  შესაძლოა სიმსივნური უჯრედები სისხლის მიმოქცევის გზით მთელ ორგანიზმში გავრცელდეს.

თირკმლის არასიმსივნური დაავადებების დროს კი (კისტა, ჰიდრონეფროზი) ორგანოს ლიკვიდაციისათვის ქირურგი  შარდსაწვეთს მიყვება, ნელ-ნელა გადაადგილდება თირკმლის კარამდე, ფრთხილად მანიპულირებს, რადგან ანატომიური შრეები უხშირესად დარღვეულია, ქრონიკულად მიმდინარე ანთებითი პროცესების (მრავალჯერადი პიელონეფრიტების) გამო მიხორცებებია განვითარებული და ორგანოს მობილიზება-გამოყოფა არც ისე მარტივია.

შეგახსენებთ, ყველა ამ ნიუანსის გათვალისწინება მხოლოდ მაღალკვალიფიციურ სპეციალისტებს შეუძლიათ, მხოლოდ დახელოვნებული, დიდი პრაქტიკული გამოცდილების მქონე პროფესიონალები ფლობენ  უნიკალურად ლაპარასკოპიულ მეთოდებს და მცირეინვაზიური ჩარევით, მაქსიმალური სიზუსტით აწარმოებენ ოპერაციებს.

თირკმლის ლაპარასკოპიული ქირურუგია უმაღლეს დონეზეა დანერგილი MMT -ჰოსპიტალში-გურამ ქარაზანაშვილის უროლოგიურ ჰაბში, რომელიც წამყვანი კლინიკაა საქართველოსა და მთელს რეგიონში!

ვიზიტზე ჩასაწერად დაგვიკავშირდით: +995 32 2234023 ან +9950555393267

გაზიარება:
თეგები:
  • თირკმლის კიბოს ლაპარასკოპია
  • თირკმლის ლაპარასკოპი
ვიზიტის დაჯავშნა

ჩაეწერე ექიმთან ვიზიტზე