რობოტული ქირურგია დღეს უკვე აღიარებულია, როგორც ქირურგიული ჩარევის ერთ–ერთი ყველაზე თანამედროვე და ეფექტური მეთოდი. ინოვაციური ტექნოლოგია ქირურგს საშუალებას აძლევს, სპეციალური რობოტული სისტემის მეშვეობით ოპერაციები ჩაატაროს უმაღლესი სიზუსტითა და მინიმალური ინვაზიურობით.
ამ სტატიაში მოგიყვებით, რატომ იქცა რობოტული ქირურგია თანამედროვე მედიცინის შეუცვლელ ნაწილად და როგორ უზრუნველყოფს ის პაციენტის ჯანმრთელობისა და ცხოვრების ხარისხის გაუმჯობესებას.
აღსანიშნავია, რომ ქარაზანაშვილის რობოტული ცენტრი არის პირველი და ერთადერთი კლინიკა ამიერკავკასიასა და საქართველოში, სადაც ხელმისაწვდომია რობოტული ქირურგიის სრული სპექტრი.
რობოტული ქირურგია — Toumai®
რობოტული ქირურგია სწრაფად ხდება ერთ-ერთი ყველაზე მოწინავე და ეფექტური მეთოდი ქირურგიული ჩარევების დროს.
ეს არის პროცედურა, როდესაც ქირურგი სპეციალური რობოტული სისტემის საშუალებით მართავს ოპერაციას.
ქარაზანაშვილის რობოტულ ცენტრში ქირურგიული ოპერაციები ტარდება უახლესი თაობის Toumai® რობოტით.
ქირურგი ზის სპეციალურ მართვის კონსოლთან და უყურებს ოპერაციის არეს 3D მაღალი გარჩევადობის ეკრანზე. რობოტი იმეორებს ქირურგის თითოეულ მოძრაობას სიზუსტით, რომელიც ადამიანის ხელისთვის მიუწვდომელია. ეს ტექნოლოგია განსაკუთრებით სასარგებლოა რთული ოპერაციების დროს, სადაც სიზუსტე გადამწყვეტია –მაგალითად, უროლოგიური ოპერაციების დროს.
Toumai®-ის უპირატესობები:
- მაღალი სიზუსტე – რობოტული სისტემა საშუალებას აძლევს ქირურგს იმუშაოს უმაღლესი სიზუსტით. ეს განსაკუთრებით მნიშვნელოვანია რთული ოპერაციების დროოს, სადაც მინიმალური შეცდომის დაშვებაც შესაძლოა კრიტიკული აღმოჩნდეს.
- მინიმალური ინვაზიურობა – ღია ოპერაციები ხშირად მოითხოვს დიდ ჭრილობებს, ხოლო რობოტულირობოტული ქირურგია, პირიქით, უზრუნველყოფს მცირე ჭრილობებს, რაც ამცირებს ტკივილსა და ინფექციის რისკს.
- სწრაფი გამოჯანმრთელება – მცირე ზომის ჭრილობები ნიშნავს, რომ პაციენტებს ნაკლები დრო სჭირდებათ სრული გამოჯანმრთელებისთვის და სწრაფად უბრუნდებიან ცხოვრების ჩვეულ რიტმს
- ნაკლები სისხლის დანაკარგი – რობოტული ქირურგიის დროს ნაკლები სისხლის დაკარგვა ხდება
- ადამიანური შეცდომისგან დაცვა – მაგალითად ქირურგის ხელის ტრემორი (კანკალი)’
რობოტული ქირურგიის სარგებელი პაციენტისთვის :
- ხანმოკლე პოსტოპერაციული პერიოდი – პაციენტებს, რომლებსაც უტარდებათ რობოტული ქირურგია, ხშირად 2-3 დღეში შეუძლიათ დაბრუნდნენ სახლში.
• სწრაფი რეაბილიტაცია – პაციენტები სწრაფად უბრუნდებიან ყოველდღიურ აქტივობებს, რაც ხელს უწყობს ცხოვრების ხარისხის გაუმჯობესებას.
• ესთეტიკური უპირატესობები – მცირე ზომის ჭრილობების გამო ნაკლებად აღინიშნება ნაწიბურები, რაც ესთეტიკური თვალსაზრისითაც არის მნიშვნელოვანი.
„რუთი“ — Robotic HIFU (Focal One)
„რუთი“ ეს არის პროსტატის კიბოს უოპერაციო, არაინვაზიური მკურნალობის ინოვაციური 
მეთოდი, რომელიც სრულდება ფრანგული წარმოიბის –Focal One® რობოტით.
პროცედურა სრულდება დისტანციურად, ისე რომ პროსტატას საერთოდ არ ვეხებით – ხდება მხოლოდ იმ უბნების გაცხელება, სადაც აღმოჩენილია სიმსივნე.
პროცედურის არსი:
„მაღალი ინტენსივობის ფოკუსირებული ულტრაბგერითი ტალღები ზუსტად ეცემა პროსტატის დაავადებულ უბანს და 80°C-მდე გაცხელებით ანადგურებს სიმსივნურ უჯრედებს, ისე რომ ჯანმრთელი ქსოვილის დაზიანება არ ხდება. პროცედურა ტარდება ზოგადი ბალანსირებული ანესთეზიით და გრძელდება 30 წუთიდან 2 საათამდე და პაციენტი კლინიკას ტოვებს 1 დღეში.
„რუთის“ უპირატესობები და მისი უნიკალურობა:
- მეთოდი არის უზუსტესი — ყველა მანიპულაციას ახორციელებს რობოტი მილიმეტრული სიზუსტით
- დაზღვეულები ვართ ადამიანური შეცდომებისგან
- რუთი არ არის ოპერაცია — ის ლოკალურად გაცხელების გზით კლავს სიმსივნურ უჯრედებს, ჯანსაღ პროსტატას კი ინარჩუნებს
- პროცესი სრულად კონტროლირებადია ექიმის მიერ
- შესაძლებელია მკურნალობის პროცესის რეალურ დროში მონიტორინგი
- მკურნალობა ეფუძნება ზუსტ ვიზუალიზაციას, რაც მაქსიმალურ უსაფრთხოებას უზრინველყოფს
- ფოკალური (წერტილოვანი) მკურნალობა –პროსტატის განადგურება განადგურება ხდება პროსტატის სრული ლიკვიდაციის გარეშე სქესობრივი ფუნქციის სრული შენარჩუნებით
- შარდის შეუკავებლობის რისკის გარეშე
- საჭიროებს მხოლოდ 1 დღიანი ჰოსპიტალიზაციას
„რუთი“-პროსტატის სიმსივნის ფოკალური (წერტილოვანი) განადგურება წარმოადგენს ბალანსს პროსტატის კიბოზე აქტიურ მეთვალყურეობასა და რადიკალურ მკურნალობას შორის. მისი წყალობით შესაძლებელია კიბოს მკურნალობა ოპერაციის გარეშე, მინიმალური გვერდითი ეფექტებით და ცხოვრების მაღალი ხარისხის შენარჩუნებით.
რა ოპერაციებისას აქვს რობოტულ ქირურგიას და რუთს უდავო უპირატესობა სხვა მეთოდებთან შედარებით?
- ნერვშემნახველი რადიკალური პროსტატექტომია – პროსტატის სრული ამოკვეთა სქესობრივი ფუნქციისა და შარდის შეკავების უნარის შენარჩუნებით.
- პარციალური (ნაწილობრივი) ნეფრექტომია – თირკმლის სიმსივნის ამოკვეთა თირკმლის შენარჩუნებით, რაც პაციენტს მომავალში დიალიზის რისკს აცილებს.
- პლასტიკური ანუ რეკონსტრუქციული ოპერაციები – შარდსაწვეთის რეიმპლანტაცია ან რეკონსტრუქცია თანდაყოლილი შარდსაწვეთის დაავადებებისას
- ქალებში შარდის შეუკავებლობა, შარდივანი ფისტულები და სასქესო ორგანოების პროლაფსი
- დიდი ზომის პროსტატის კეთილთვისებიანი სიმსივნეები – გართულებების რისკის შემცირებითა და სწრაფი გამოჯანმრთელებით.
დასკვნა
რობოტული ქირურგია დღეს არა თუ მომავალი, არამედ რეალობაა.
ქარაზანაშვილის რობოტული ცენტრი არის პირველი და ერთადერთი კლინიკა საქართველოსა და ამიერკავკასიაში, რომელიც პაციენტებს სთავაზობს რობოტული ქირურგიის სრულ სპექტრს – ინოვაციურ Toumai® სისტემასა და „რუთს“ (Robotic HIFU, Focal One®).
განსაკუთრებით მნიშვნელოვანია, რომ სწორედ ჩვენი ცენტრი გახდა მსოფლიოში პირველი კლინიკა ჩინეთის ფარგლებს გარეთ, რომელმაც Toumai® დანერგა. დღეს ეს სისტემა წარმატებით მოქმედებს ყველა კონტინენტზე – ჩრდილოეთ და სამხრეთ ამერიკაში, ევროპაში, აზიაში, ახლო აღმოსავლეთსა და აფრიკაში.
ქარაზანაშვილის რობოტული ცენტრი პაციენტებს სთავაზობს სრულ სამედიცინო სერვისს — დიაგნოსტიკიდან ოპერაციამდე და სრული რეაბილიტაციის ჩათვლით, თანაც გაცილებით ხელმისაწვდომ ფასად, ვიდრე მაგალითად თურქეთის კლინიკებში.
ქარაზანაშვილის რობოტული ცენტრი წარმოადგენს ლიდერს საქართველოში და მთელ რეგიონში – ადგილს, სადაც პაციენტებს ეძლევათ შესაძლებლობა მიიღონ მაღალი ხარისხის მკურნალობა, ინოვაციური მეთოდებით, მაქსიმალური უსაფრთხოებით და მინიმალური დანახარჯებით.
