ონკოუროლოგი

ონკოუროლოგია

ურეთრა

უროლოგი

უროლოგია

ქარაზანაშვილი

შევიწროება

striktur uretra alodokter

 ურეთრის სტრიქტურა – რატომ ვითარდება შარდსადენი მილის შევიწროება

ურეთრის სტრიქტურა ანუ შარდსადენი მილის შევიწროება  ორივე სქესის წარმომადგენელთა პრობლემაა.  უფრო ხშირად გვხვდება მამაკაცებთან, რადგან მათი შარდსადენი მილი ანატომიურად უფრო გრძელი და ვიწროა.   ქალების ურეთრა უფრო მოკლე და ფართოა. შარდსადენი მილის შევიწროების მიზეზი ქალებთან მძიმე მშობიარობა და სხვადასხვა სახის ტრავმა შეიძლება იყოს.

რატომ ვითარდება ურეთრის სტრიქტურა?

არსებობს პათოლოგიის თანდაყოლილი და შეძენილი  მიზეზები. მთავარი როლი მაინც ანთებით დაავადებებს (სქესობრივი გზით გადამდები  ინფექციების დროს) და ტრავმებს  მიუძღვით.

შარდსადენი მილის ნებისმიერი ანთება მის გამკვრივებას, შეშუპებასა და ქსოვილთა გაზრდა-გასქელებას იწვევს.

თუ ანთებით პროცესს დროზე უმკურნალებენ და თანაც სრულფასოვნად, შევიწროება შესაძლოა არ განვითარდეს. შორსწასული, ე.წ. მიშვებული შემთხვევები კი ხშირად მთავრდება ურეთრის სტრიქტურით. ძალზედ საშიშია მენჯის ძვლების დამაზიანებელი ტრავმებიც. ასეთი მოტეხილობების დროს ურეთრა ზოგჯერ სკდება, მისი შეხორცებისას  უხშირესად ნაწიბური ვითარდება, შედეგად კი შევიწროება მიიღება. შორისის არეზე დაცემა ასევე ხშირად ნაწიბურის ფორმირებით სრულდება.

ურეთრის შევიწროების მანიშნებელია:

  • შარდის წვრილი და დუნე ნაკადი;
  • გაძნელებული, წყვეტილი შარდვა;
  • ჭინთვა, ზოგჯერ ტკივილი;
  • შარდის ბუშტში ნარჩენი შარდის გაჩენა;
  • თირკმლის ფუნქციის დარღვევა;
  • სქესობრივი ფუნქციის დარღვევა და დეპრესია.

ურეთრის სტრიქტურის მკურნალობა ოპერაციულია.

სტრიქტურის მკურნალობამდე  საჭიროა სრულფასოვანი დიაგნოსტიკა. შევიწროების ზუსტი ლოკალიზაციის გარკვევა მეზობელ ქსოვილთა ჩართვის ხარისხის განსაზღვრა, თირკმლის ფუნქციისა და ეაკულატის გამოყოფის დარღვევათა დადგენა.  ყოველივე ამის გათვალისწინებით და სტრიქტურის (შევიწროების) გავრცელების ხარისხზე დამოკიდებულებით ხდება ოპერაციული მკურნალობის მეთოდის შერჩევა.

ურეთრის სტრიქტურის თანამედროვე მკურნალობა  3 სახის  ჩარევას მოიცავს:

  • 2 სმ-მდე შევიწროებისას, შევიწროებულ უბანს კვეთენ და შარდსადენი მილის ჯანსაღ ნაწილებს ერთმანეთს აკერებენ;
  • დიდი სტრიქტურის არსებობის ანუ შევიწროების დიდ მანძილზე გავრცელების  შემთხვევაში,ტარდება პლასტიკა.  მილის შევიწროებულ ნაწილს კვეთენ, მისი სანათურის ფორმირებას კი ლოყის ლოწოვანიდან ან ჩუჩის ქსოვილებიდან ახორციელებენ. ამ ოპერაციას ყველა ქირურგი ვერ ასრულებს, ის  ვირტუოზული უნარ-ჩვევების ფლობას მოითხოვს ოპერატორისგან.
  • ენდოსკოპიური ოპერაციები – ურეთრის სანათურში შეჰყავთ სპეციალური ინსტრუმენტი, რომლითაც შევიწროებულ უბანს სერავენ.  ჭრილობის ზედაპირზე ამაგრებენ კათეტერს სრულ შეხორცებამდე. ეს ოპერაცია ბევრად ნაკლებტრავმულია, ის უფრო ადვილად გადააქვთ პაციენტებს. ამ ტიპის ჩარევას ყოველთვის მიმართავენ,  როცა კი შარდსადენი მილის შევიწროების ხარისხი ამის საშუალებას იძლევა.

MMT ჰოსპიტალი გთავაზობთ საშარდე გზების დაავადებათა მკურნალობას მსოფლიო მედიცინის სტანდარტების შესაბამისი მეთოდებით. https://mmt.ge/category/staff

დაგვიკავშირდით: 2 23 40 23

გაზიარება:
თეგები:
  • ონკოუროლოგი
  • ონკოუროლოგია
  • ურეთრა
  • უროლოგი
  • უროლოგია
  • ქარაზანაშვილი
  • შევიწროება
ვიზიტის დაჯავშნა

ჩაეწერეთ ექიმთან ვიზიტზე

დატოვეთ კომენტარი:

  • გიორგი :

    გამარჯობათ, ვარ 22-წლის და უკვე კარგახანია მაწუხებს შარდვასთან დაკავშირებული პრობლემებიც, კერძოდ გაძნელებული შარდვა, შარდვისას სითხის ძნელი გამოყოფა და ჩუჩის შებერვა ძნელად გამოთავისუფლებული შარდით, მესმის რომ ზუსტი დიაგნოზისათვის გამოკვლევებია საჭირო, მაგრამ დაახლოებით რა სახის პრობლემასთან შეიძლება მქონდეს საქმე, წინასწარ დიდი მადლობა

    • mmthospital :

      მოგესალმებით ბატონო გიორგი, აუცილებელია უროლოგის კონსულტაცია. მობრძანდით ჩვენთან კლინიკაში და დაგეხმარებით მკურნალობის მეთოდის შერჩევაში. შაბათს, 3 ნოემბერს დაგეგმილია უროლოგთან უფასო კონსულტაცია, ჩასაწერათ მოგვწერეთ თქვენი საკონტაქტო ნომერი ელ-ფოსტაზე info@mmt.ge ან დაგვიკავშირდით 2 23 40 23.

  • ანონიმური :

    Shardis sheukaveblobas, tu mkurnalobt?

    • mmthospital :

      მოგესალმებით, დიახ ვმკურნალობთ. მოგვწერეთ თქვენი საკონტაქტო ნომერი ჩვენს ელ.ფოსტაზე: info@mmt.ge ან დაგვიკავშირდით ჩვენი კლინიკის ნომერზე: 0322 23 40 23.