fbpx
DSC 9037

კონგრესის წარმატება მსოფლიოს წამყვანი მედიკოსების პროფესორ გურამ ქარაზანაშვილისადმი პირადმა პატივისცემამ და მისი პროფესიონალიზმის აღიარებამ განაპირობა

დასრულდა საქართველოს ონკოლოგიური უროლოგიის ასოციაციის მეორე მსოფლიო კონგრესი, რომელიც უკვე ქართული და მსოფლიო მედიცინის ისტორიის კუთვნილება გახდა. ჯერ არ დამცხრალა პირველი ემოცები და შთაბეჭდილებები, რომლებითაც სავსენი არიან კონგრესის ორგანიზატორებიც და მონაწილენიც. თავის სასარგებლო ნაყოფს ქართული მედიცინისათვის ეს კონგრესი სულ მალე გამოიღებს, ამ ეტაპზე კი შეიძლება ითქვას, რომ ეს იყო უპრეცედენტო მასშტაბის, მრავალპროფილური სამედიცინო ფორუმი, რომელსაც ონკოლოგიისა და უროლოგიის დარგის მსოფლიო ელიტა ესწრებოდა.

ასეთი მასშტაბის ღონისძიებათა ორგანიზება ჩვენი ქვეყნის რეალობაში ძალიან რთული საქმეა და ეს შესაძლებელი გახდა ონკოლოგიური უროლოგიის  ასოციაციის პრეზიდენტის, პროფესორ გურამ ქარაზანაშვილისადმი მსოფლიოს არაერთი ქვეყნის წამყვანი ექიმების უდიდესი პატივისცემის, მისი პროფესიონალიზმის აღიარებისა და დაფასების შედეგად. სწორედ ბატონი გურამის პირადი ურთიერთობების და პირადი ღვაწლის, საყვარელი საქმისადმი მისი თავდადების შედეგია, ასეთი მასშტაბის კონგრესის ჩატარება რომ გახდა შესაძლებელი საქართველოში.

MMT ჰოსპიტალი გახლდათ ერთ-ერთი მთავარი სპონსორი ამ უაღრესად მნიშვნელოვანი ღონისძიებისა და ჩვენი კლინიკის მთელი შემადგენლობა ჩართული იყო  კონგრესის ორგანიზებაში.

გვინდა მადლობა ვუთხრათ ბატონ გურამ ქარაზანაშვილს, რომ შესაძლებლობა მოგვცა, აქვე, ჩვენს ქვეყანაში, პირადად შევხვედროდით მსოფლიო მედიცინის კორიფეებს და მათი გამოცდილება გაგვეზიარებინა. ასეთ შესაძლებლობაზე ბევრი ახალგაზრდა ექიმი ოცნებობს.

ასევე მადლობას ვუხდით თბილისის ჯავახიშვილის სახელობის სახელმწიფო უნივერსიტეტის ადმინისტრაციას, რუსტაველის სახელობის ეროვნულ ფონდს და ყველა სპონსორს, რომლებიც გვერდში დაუდგნენ კონგრესის ორგანიზატორებს.

ვიმედოვნებთ, რომ მსოფლიო კონგრესიდან მიღებული გამოცდილება სასიკეთოდ წაადგება ჩვენს შემდგომ პროფესიონალურ ზრდასა და განვითარებას. MMT ჰოსპიტალი – თანამედროვე ტექნოლოგიებისა კლინიკა, გურამ ქარაზანაშვილის უროგინეკოლოგიური ჰაბი – კვლავაც მსოფლიო სტანდარტებით გააგრძელებს მუშაობას თქვენთვის, ჩვენო ძვირფასო პაციენტებო!

გაზიარება:
ვიზიტის დაჯავშნა

ჩაეწერეთ ექიმთან ვიზიტზე

დატოვეთ კომენტარი:

  • cira :

    Dzalian gtxovr mopasuxot qronikuli cistiti tu inkurneba.

    • mmthospital :

      მოგესალმებით ქალბატონო ცირა, რა თქმა უნდა იკურნება. მობრძანდით კლინიკაში, უროლოგთან კონსულტაციაზე ჩასაწერად დაგვიკავშრდით ნომერზე: 0322 23 40 23 ან მოგვწერეთ თქვენი საკონტაქტო ნომერი ჩვენს ელ.ფოსტაზე: info@mmt.ge