11 თებერვალს, პირველად ქვეყანასა და რეგიონში, პროფესორ გურამ ქარაზანაშვილის უროლოგიურ ჰაბში პროსტატის კიბოს რობოტული ულტრაბგერითი თერაპიით, Focal One ანუ ,,რუთ-ით’’ (რობოტული ულტრაბგერითი თერაპიით) მკურნალობის პროცედურები ჩატარდა.
პროსფესორმა გურამ ქარაზანაშვილმა ულტრათანამედროვე, არაინვაზიური მეთოდით პროსტატის ლოკალიზებული კიბოს დიაგნოზის მქონე პირველ პაციენტებს წარმატებით უმკურნალა. თითოეული პროცედურის ხანგრძლივობამ მხოლოდ 1-2 საათს გასტანა, პაციენტები სხივური და ჰორმონოთერაპიის გარეშე, ამბულატორიულად, ყოველგვარი ქირურურგიული ჩარევის გარეშე განთავისუფლდნენ პროსტატის კიბოსგან!
Focal One (რობოტული ულტრაბგერითი თერაპია, ანუ რუთ-ი), ეს არის პროსტატის ლოკალიზებული კიბოს მკურნალობის ულტრათანამედროვე მეთოდი. ქარაზანაშვილის რობოტულ ცენტში რუთ-ის უნიკალურმა, დამზოგველმა რობოტულმა ტექნოლოგიამ ის ახალი კარი გახსნა, სადაც მამაკაცებს შეუძლიათ დაამარცხონ პროსტატის კიბო, შეინარჩუნონ პროსტატა, ნორმალური სქესობრივი ფუნქცია, შარდის შეკავების უნარი და საავადმყოფო სულ რამდენიმე საათში ჯანმრთელებმა დატოვონ.
აღსანიშნავია, რომ Focal One (რუთი – რობოტული ულტრაბგერითი თერაპია) , როგორც პროსტატის კიბოს ულტრათანამედროვე, უოპერაციო, არაინვაზიური, ტრადიაცული რადიაქტიული გამოსხივებისგან თავისუფალი, მკურნალობის რობოტული თერაპია, აღიარებულია ამერიკის შეერთებული შტატების საკვების და მედიკამენტების ადმინისტრაციის (FDA) მიერ. ეს უაღრესად ავტორიტეტული ამერიკული ორგანიზაცია ფაქტობრივად არის მსოფლიო ლიდერი, რომელიც უზრუნველყოფს და ამტკიცებს საზოგადოებრივ ჯანდაცვაში მედიკამენტების, სამედიცინო პრეპარატების, აპარატურის, საკვები პროდუქტებისა თუ აცრების უსაფრთხოებას და მათ ეფექტურობას.
ქარაზანაშვილის რობოტული ცენტრი – გლობალური ლიდერი პროსტატის კიბოს ადრეულ დიაგნოსტიკასა და მკურნალობაში, სამართლიანად ატარებს მსოფლიოს იმ მოწინავე სამედიცინო დაწესებულების სახელს, რომელიც მუდმივად ცდილობს დანერგოს და განავითაროს ულტრათანამედროვე ტექნოლოგიები ადამიანების სასიკეთოდ, აღნიშნულის ერთ-ერთი ნათელი მაგალითი კი დღევანდელი დღეა!
