ბოლო დროს, ხშირად ხართ სტრესის ქვეშ და ნერვიულობთ?! თქვენ მარტო არ ხართ, რადგან ეს სტრესის დროს სავსებით ნორმალურია.
ნერვიულობამ შეიძლება გამოიწვიოს:
- ცუდი ფიქრები, (კატასტროფის მოლოდინი)
- მოლოდინი იმისა, რომ რაიმე ცუდი მოხდება
- საკუთარი ძალების არასწორი შეფასება
კარგი ამბავი ის არის, რომ თქვენ შეგიძლიათ გაუმკლავდეთ ამ პრობლემას. თუ მსგავსი ფიქრები გაწუხებთ, არასწორად აფასებთ სიტუაციასა და საკუთარ ძალებს, ნუ აყვებით ცუდ ფიქრებს, ვინაიდან თქვენ გაქვთ უნარი მოახდინოთ საკუთარი გონების ფორმირება.
შემდეგ ჯერზე როდესაც რამეზე იდარდებთ სამი რამ გაითვალისწინეთ:
- ყველაზე კატასტროფული რაც წარმოგიდგენიათ, როგორც წესი, ნაკლებად ხდება
- ნერვიულობით ვერაფერს გახდებით – თქვენი ნერვიულობა არანაირ გავლენას არ ახდენას მოხდება თუ არა ის მოვლენა რისიც ასე გეშინიათ ცხოვრებაში
- ყველაზე ნაკლებად კატასტროფული შედეგია ის, რაც ყველაზე ხშირად ხდება.
თუ ხშირად დარდობთ და ნერვიულობთ ამ წესს მიმართეთ :
ჩამოწერეთ თქვენი 5 პრობლემა და აღწერეთ ისინი. თითოეული პრობლემის შემთხვევაში საკუთარ თავს შემდეგი კითხვები დაუსვით:
- სხვა რა კუთხით შემიძლია შევხედო ამ პრობლემას?
- არის კი ეს ყველაზე ცუდი რამ, რაც შეიძლება მოხდეს?
- რამდენად ობიექტურია ეს პრობლემაა?-რატომ მაქვს ეს ფიქრები, ობიექტური ვარ როცა ამ პრობლემის მეშინია თუ ჩემი ფანტაზიის ნაწილია?
- რა არგუმენტი მაქვს ამ პრობლემის საწინააღმდეგოდ?
- როგორ წარმატებით გავუმკლავდი წარსულში მსგავს სიტუაციებს?
- ვინერვიულებ თუ არა ამ პრობლემაზე 5 წელიწადში, ან რამე მნიშვნელობა ექნება თუ არა მას ჩემთვის?
ყველა განიცდის და ნერვიულობს როდესაც რთული სიტუაციის წინაშე აღმოჩნდება, ყველა განსხვავებულად რეაგირებს რთულ სიტუაციებზე და, რა თქმა უნდა, კრიზისის დროს სტრესი და შფოთვა ნორმალურია, თუმცა ამ ნაბიჯების გამოყენების შემთხვევაში, თქვენ გექნებათ მეტი ბერკეტი საკუთარი გონების სამართავად.
