მიკროექოსკოპიის კვლევის დანერგვას უროლოგიაში ექსპერტები
ახალ ეპოქად აფასებენ, რადგან მიკრო-ექოსკოპიამ, როგორც უსაფრთხო
დიაგნოსტიკის უახლესმა და უზუსტესმა მეთოდმა, რევოლუციური
გადატრიალება მოახდინა პროსტატის დაავადებათა, მათ შორის კიბოს
დიაგნოსტიკაში.
მიკროექოსკოპიის უახლესი სისტემის პრეზენტაცია 2015 წელს ახალ
ორლეანში ამერიკის უროლოგთა ასოციაციის ყოველწლიურ კონფერენციაზე
შედგა. ისრაელის კლინიკებში ულტრათანამედროვე ტექნოლოგიის
გამოყენება 2018 წელს დაიწყეს, 2019 წელს კი მიკრო-ულტრაბგერა ქარაზანაშვილის რობოტული ცენტრის წყალობით საქართველოშიც დაინერგა! გურამ ქარაზანაშვილის უროლოგიური ჰაბი ამ მხრივაც ლიდერი აღმოჩნდა!
რეგიონის წამყვან კლინიკაში ქარაზანაშვილის რობოტულ ცენტრში პაციენტებს უკვე
შეუძლიათ მსოფლიოს საუკეთესო და უახლესი სტანდარტით ჩაიტარონ პროსტატის კიბოს სკრინინგი!
შეგახსენებთ, რომ დსთ-სა და აღმოსავლეთ ევროპის რეგიონში ქარაზანაშვილის რობოტული ცენტრი პირველი და ჯერჯერობით ერთადერთი კლინიკაა, რომელიც
ახორციელებს პროსტატის დაავადებათა სკრინინგს ულტრათანამედროვე მიკრო -ულტრაბგერის საშუალებით.
აღმოსავლეთ ევროპისა და კავკასიის მასშტაბით მხოლოდ ქარაზანაშვილის რობოტულ ცენტრშია შესაძლებელი პროსტატის დაავადებათა 300 %-ით
გაუმჯობესებული დიაგნოსტიკა დროის რეალურ მომენტში, სწრაფად,
უმტკივნეულოდ და რაც მთავარია, უმაღლესი სიზუსტით!
საყურადღებოა, რომ მიკრო-ექოსკოპიის ულტრათანამედროვე აპარატით
პროსტატის კვლევა სიზუსტით მაგნიტურ-რეზონანსული ტომოგრაფიით
დიაგნოსტიკას უტოლდება!
მაინც რა უპირატესობა აქვს მიკრო-ულტრაბგერას ჩვეულებრივ (ტრადიციულ) ექოსკოპიასთან შედარებით?
მიკროექოსკოპიის სისტემა ExactVu Micro-Ultrasound System შექმნილია
სპეციალურად პროსტატის დაავადებათა სადიაგნოსტიკოდ და წინამდებარე
ჯირკვლის (პროსტატის) დამიზნებით ბიოფსიის პროცესის საკონტროლოდ.
მიკროექოსკოპიის შესაძლებლობები მრავალჯერ აღემატება ჩვეულებრივ
ულტრაბგერით სისტემებს, კერძოდ, ქსოვილთა აღქმა და შესაბამისად, მათში
სტრუქტურულ ცვლილებათა გარჩევადობა 3-4-ჯერ უფრო გაძლიერებულია,
სიზუსტით მაგნიტურ-რეზონანსულ ტომოგრაფიას უტოლდება. ეს იმას
ნიშნავს, რომ ჩვეულებრივი ექოსკოპიური კვლევით მიღებულ
გამოსახულებასთან შედარებით მიკრო-ულტრაბგერით ჩატარებული
დიაგნოსტიკის ხარისხი 300 %-ითაა გაუმჯობესებული.
ცნობილია, რომ ზუსტი დიაგნოსტიკა ონკოლოგიურ დაავადებათა
ეფექტურად მკურნალობის საფუძველია. ეს განსაკუთრებით მნიშვნელოვანია პროსტატის კიბოსთან მიმართებაში, რადგან ეს უკანასკნელი დიფუზური პათოლოგიაა და აქედან გამომდინარე, ვიზუალური დიაგნოსტიკის დროს მაღალი ხარისხის დეტალიზაციას საჭიროებს.
უახლესი ტექნოლოგიის დახმარებით ექიმ-უროლოგებს შესაძლებლობა ეძლევათ საფუძვლიანად შეისწავლონ წინამდებარე ჯირკვალი, დეტალურად და სრულყოფილად დააკვირდნენ პროსტატის საეჭვო უბნებს და მაქსიმალური სიზუსტით ჩაატარონ დამიზნებით ბიოფსია.
ExactVu სისტემა მსოფლიოში პირველი და უნიკალური პლატფორმაა
მრავალმხრივი უროლოგიური დიაგნოსტიკისათვის. აპარატის შესაძლებლობები გაფართოებულია სპეციალიზირებული დანართებით, მაგალითად, Mikro Doppler-ი ფლობს განსაკუთრებულ ზემგრძნობელობას და პროსტატის უწვრილეს სისხლძარღვებში, უმცირესი კაპილარების დონეზე განსაზღვრავს ჯირკვლის სისხლის მიმოქცევის თავისებურებებს, პროგრამული უზრუნველყოფის FusionVu კომპონენტი ექიმ-უროლოგს მონაცემთა
დეტალურად დამუშავების საშუალებას აძლევს, PRI-MUS პროტოკოლის
დახმარებით კი ადვილად განირჩევა და იდენტიფიცირდება პროსტატის
ქსოვილთა ჯანმრთელი და პათოლოგიური უბნები.
ამგვარად, მიკრო-ულტრაბგერა პროსტატის კიბოს დიაგნოსტიკას
პრაქტიკულად 100 %-იანი სიზუსტით აწარმოებს!
რატომ არის მიკრო-ექოსკოპია ასე მნიშვნელოვანი პაციენტებისთვის?
ახალი ტექნოლოგია საშუალებას აძლევს პაციენტს ერთ ვიზიტზე
ჩაიტაროს როგორც პროსტატის სრულყოფილი კვლევა, ასევე
საჭიროების შემთხვევაში დამიზნებით ბიოფსია;
მიკრო-ულტრაბგერითი ვიზუალიზაციის სეანსი სწრაფი და
უმტკივნეულოა;
ეს უნიკალური კვლევა განსაკუთრებულად მნიშვნელოვანია
კლაუსტროფობიით შეპყრობილი პაციენტებისათვის, რომლებიც ვერ
ჩაიტარებენ მაგნიტურ-რეზონანსულ სკანირებას, ალერგიული და
თირკმლის პრობლემების მქონე პირებისათვის, რომლებისთვისაც
სარისკოა კონტრასტული აგენტის ინიექცია.
რაც მთავარია, როგორც ექსპერტები აცხადებენ, ბრმა, უმართავი და
დაუმიზნებელი ბიოფსიების ეპოქა დასრულდა უროლოგიაში! მიკრო-
ულტრაბგერის სისტემა პაციენტებს 300 %-ით გაუმჯობესებული
დიაგნოსტიკისა და 300 %-ით ეფექტური ბიოფსიის საშუალებას აძლევს!
ულტრათანამედროვე ტექნოლოგიის – მიკროექოსკოპიის დანერგვით
საქართველოც შევიდა მსოფლიოს იმ წამყვანი ქვეყნების ნუსხაში, რომლებიც პროსტატის დაავადებათა დიაგნოსტიკასა და მკურნალობას მაღალი სიზუსტითა და ეფექტურობით ახორციელებენ. ეს კი რეგიონის წამყვანი კლინიკის – გურამ ქარაზანაშვილის უროლოგიური ჰაბის – დამსახურებაა!
ქარაზანაშვილის რობოტული ცენტრი, როგორც ყოველთვის, ევროპის მოწინავე კლინიკების
მსგავსად, უახლეს მიღწევათა ფერხულშია! რეგიონის ამ წამყვან კლინიკაში
პროსტატის კიბოს სკრინინგი უკვე ახალი მსოფლიო სტანდარტით ტარდება!
