შარდის ბუშტის კიბო ერთ-ერთი ყველაზე გავრცელებული დაავადებაა. უმეტესად სიმსივნე შარდის ბუშტის ზედაპირზეა, მაგრამ ზოგჯერ ის ღრმად, კუნთშიც გადადის. თუ დროულად არ მიექცა ყურადღება, დაავადება შეიძლება გავრცელდეს ღვიძლზეც, ფილტვებზეც და სხვა ორგანოებზეც.
მნიშვნელოვანია იმის ცოდნა, რომ ეს დაავადება მკურნალობის შემდეგ შესაძლოა ისევ განმეორდეს , ამიტომ პაციენტი სულ უნდა იმყოფებოდეს ექიმის მეთვალყურეობის ქვეშ.
შარდის ბუშტის კიბოს განვითარების რისკი იზრდება ასაკის მატებასთან ერთად. მისი ძირითადი რისკ-ფაქტორებია:
- თამბაქოს მოხმარება;
- მავნე ქიმიურ ნივთიერებებთან მუშაობა;
- გენეტიკა
რა სიმპტომებს უნდა მივაქციოთ ყურადღება?
- სისხლის არსებობა შარდში – ეს არის ერთ-ერთი პირველი და ძალიან საყურადღებო სიგნალი! ხასიათდება, როგორც ტკივილით ასევე უმტკივნეულო მიმდინარეობით.
- შარდვის გაძნელება – წვა ან ტკვილი შარდვისას.
- თირკმლის დაზიანება – თუ სიმსივნე კეტავს მილებს, რომლითაც შარდი თირკმლიდან ჩადის შარდის ბუშტში, მაშინ შეიძლება დაზიანდეს თირკმელი შარდისგან დაუცლელობის გამო. ეს იწვევს ტკივილს წელის არეში.
თანამედროვე ურო-ონკოლოგიის „ოქროს სტანდარტად“ მინიმალურად ტრამვული ქირურგია მიიჩნევა. შარდის ბუშტის სრული ამოკვეთა, მოითხოვს მაღალ ტექნოლოგიურ სიზუსტეს.
მიუხედავად იმისა, რომ ლაპაროსკოპიამ მნიშვნელოვნად შეამცირა ტრავმულობა, მას გააჩნია გარკვეული ტექნიკური ბარიერები:
- შეზღუდული მოძრაობა: ინსტრუმენტები მოძრაობენ ხისტად და არ აქვთ მაჯის მსგავსი მოქნილბა რაც ართულებს მუშაობას მცირე მენჯის ვიწრო უბნებში.
- გამოსახულება: ქირურგი ხედავს ორგანზომილებიან (2D) სურათს რის გამოც სიღრმის აღქმა შედარებით რთულია.
- ხელის კანკალი : აპარატურა ბოლომდე ვერ ანეიტრალებს ქირურგის ბუნებრივ ხელის კანკალს.
რობოტული ქირურგია არის ახალი სიტყვა თანამედრვე მედიცინაში, აღნიშნული მეთოდის უპირატესობები პაციენტს ეხმარება გადაწყვეტილების მიღებაში, სწორედ ამიტომ წლებთან ერთად იზრდება მოთხოვნა აღნიშნულ მეთოდზე.
- რობოტის ინსტრუმენტები ადამიანის ხელზე მეტად მოქნილია (ბრუნავს 360 გრადუსით), რაც საშუალებას იძლევა უზუსტესი მოძრაობები ჩატარდეს იქ, სადაც ადამიანის ხელი ვერ წვდება.
- მაღალი გარჩევადობის გამოსახულება საშუალებას იძლევა მოხდეს ნერვებისა და სისხლძარღვების მაქსიმალური შენარჩუნება.
- სისტემა სრულად აქრობს ხელის კანკალს, რაც ოპერაციას უფრო უსაფრთხოს ხდის.
რობოტული შარდის ბუშტის კიბოს ოპერაცია ტრადიციულ მეთოდებთან შედარებით ხასიათდება:
- .მინიმალური სისხლის დანაკარგით რაც უზრუნველყოფს თითქმს უმტკივნეულო ოპერაციის შემდგომ პერიოდის.
- ინფექციის დაბალი რისკით – მცირე ზომის ჭრილობები აჩქარებს შეხორცების პროცესს.
- სწრაფი სარეაბილიტაციო პერიოდით: ნაწლავები სწრაფად იწყებენ ფუნქციონირებას რაც ამარტივებს პაციენტის სოციალურ ცხოვრებაში სწრაფ დაბრუნებას.
დასკვნის სახით შეიძლება ითქვას, რომ თანამედროვე მედიცინაში რობოტული ქირურგია წარმოადგენს „ოქროს სტანდარტს“. იგი საშუალებას იძლევა სიმსივნე სრულად იქნას ამოკვეთილი ისე, რომ პაციენტის ცხოვრების ხარისხი და ჯანმრთელობა მაქსიმალურად იქნას დაცული.
