პროფესორი გურამ ქარაზანაშვილი უზბეკეთის ჯანდაცვის მინისტრის მიწვევით სტუმრად იმყოფება უზბეკეთის რესპუბლიკის ონკოლოგიისა და რადიოლოგიის სპეციალიზებულ სამეცნიერო-პრაქტიკულ სამედიცინო ცენტრში. დღეს ამ ცენტრის საკონფერენციო დარბაზში მან წაიკითხა ლექცია თემაზე: “რადიკალური ცისტექტომია: თანამედროვე შეხედულებები ავადმყოფთა მართვასა და ოპერაციის ტექნიკაზე”. ლექციაზე განხილულ იქნა ისეთი მნიშვნელოვანი საკითხები, როგორიცაა ოპერაციის ჩვენება, ტექნიკა, გართულებები და ავადმყოფთა ოპერაციისშემდგომი მართვა.
სამეცნიერო-ცენტრის ონკოუროლოგიურ განყოფილებაში პროფესორ ქარაზანაშვილის მიერ დღესვე ჩატარდა საჩვენებელი ოპერაცია რადიკალური ნერვშემნახველი ცისტექტომია.
გურამ ქარაზანაშვილის ვიზიტი უზბეკეთში ქართული ონკოუროლოგიის და ქარაზანაშვილის რობოტული ცენტრის კიდევ ერთი დიდი საერთაშორისო წარმატებაა.
