უშვილობა კაცებში – არსებობს მოსაზრება, რომ უშვილობას მხოლოდ ქალური პრობლემები იწვევს, თუმცა რეალურად მთავარი მიზეზი შესაძლოა მამაკაცის ჯანმრთელობის მდგომარეობა აღმოჩნდეს, რადგან უშვილობის დროს მამაკაცის და ქალის ფუნქციური როლი თითქმის თანაბარია. მამაკაცთა უნაყოფობის ძირითადი მიზეზებია ჰორმონალური და ენდოკრინული დარღვევები, ვარიკოცელე და ყველაზე ხშირად სხვადასხვა ვენერიული ინფექციები.
უშვილობა კაცებში – გამომწვევი ფაქტორები
- ვარიკოცელე
- ჰორმონული დარღვევები
- უროგენიტალური ტრაქტის ინფექციები
- იმუნოლოგიური ფაქტორები
ვარიკოცელე – სათესლე ჯირკვლებისა და სათესლე ბაგირაკის ვენების ვარიკოზული გაგანიერებაა. ეს მამაკაცებს შორის მეტად გავრცელებული დაავადება გახლავთ. თუ მამაკაცს დიდ ხანს ფეხზე დგომისას, ან ფიზიკური დატვირთვისას, მარცხენა ან მარჯვენა სათესლე ჯირკვალში ტკივილი და უსიამოვნო შეგრძნება აწუხებს, მან აუცილებლად უნდა მიმართოს ექიმს. ტკივილით გამოხატული ვარიკოცელეს დროს და მაშინ, როცა სპერმა გაფუჭებულია, მკურნალობა მხოლოდ ოპერაციულ ჩარევას ექვემდებარება.
ვარიკოცელეს განვითარებას ორი მიეზი აქვს:
- სისხლძარღვების კედლის თანდაყოლილი სისუსტე. ყველაზე ხშირი ფაქტორი ვარიკოცელეს გამოწვევისა გენეტიკა გახლავთ. თითქმის ყოველთვის პაციენტის რომელიმე ახლო ნათესავს აღენიშნება ქვედა კიდურების ვენების გაგანიერება, ბრტყელტერფიანობა, გულის სარქვლების მანკი, ფიმოზი ან სხვა შემაერთებელქსოვილო-ვანი პათოლოგია. ხშირია ამ დაავადებების თანაარსებობაც.
- მცირე მენჯის ღრუში ან სათესლე პარკში სისხლის წნევის მომატება. ეს ხელშემწყობი ფაქტორი უფროა, ვიდრე უშუალო მიზეზი, მაგრამ ზოგჯერ ანატომიური ცვლილებები, რომლებიც ვენებში წნევას ზრდის, იმდენად აშკარაა, რომ ხელშემწყობი ფაქტორი დაავადების განვითარების მიზეზად იქცევა.
ჰორმონალური დარღვევები – სისხლში პროლაქტინის ან კაცური ჰორმონის – ტესტესტერონის მომატება ან კლება. მსგავსი დარღვევები ხშირად ემართებათ მათ, ვისაც სამსახურის გამო ხანგრძლივად ჯდომა უწევთ. ასეთ დროს სათესლე ჯირკვლების ჩახურება სპერმატოგენეზის დათრგუნვას იწვევს. იმუნოლოგიური დარღვევების დროს ხდება სპერმის ხარისხის დაქვეითება, სპერმის დაბალი კონცენტრაცია, ან სპერმის გზის ბლოკადა ხელს უშლის მის გადაადგილებას.
სპერმატოზოიდების მოძრაობის ფუნქცია დარღვეულია, უჯრედი ვერ მიაღწევს კვერცხუჯრედამდე და შესაბამისად არ მოხდება ჩასახვა.
“ქარაზანაშვილის რობოტული ცენტრის” ქალთა და მამაკაცთა ჯანმრთრლობის ცენტრი გთავაზობთ უშვილობის კომპლექსურ დიაგნოსტიკას და მკურნალობას!
