რა არის ბიოფსია, არის თუ არა საშიში, ან მტკივნეული, როგორ ტარდება და რა შემთხვევაში? -ეს იმ კითხვების არასრული ჩამონათვალია, რომელიც ადამიანთა უმეტესობას აწუხებს . შეიძლება ითქვას, რომ ისევე როგორც ონკოლოგიურ თემატიკასთან დაკავშირებული ყველა სხვა ტერმინი, ადამიანთა უმრავლესობას ბიოფსიის გაგონებაც ასევე აშინებს .
სინამდვილეში, ბიოფსია ჩვეულებრივი კვლევაა, რომელიც ფართოდ გამოიყენება დიაგნოსტირებაში სხვადასხვა ორგანოს დაზიანების სახის გამოსავლენად. ბიოფსიას გადამწყვეტი მნიშვნელობა აქვს მკურნალობის ტაქტიკის განსაზღვრისთვის.
MMT ჰოსპიტალში ბიოფსია ხორციელდება პროსტატის, თირკმლის, სათესლე ჯირკვლის, სასქესო ასოს, ფარისებრი ჯიკვლის, მკერდის, საშვილოსნოს ყელის და სხვ.
აღსანიშნავია, გურამ ქარაზანაშვილის უროლოგიური ჰაბის ინოვაცია რეგიონში – მიკრო ექოსკოპია, რომლითაც ხორციელდება დამიზნებითი (თარგეთული ბიოფსია) და ფიუჟენ (Fusion) ბიოფსია, რომელიც წარმოადგენს პროსტატის დაავადებების სკრინინგისა და ზუსტი დიაგნოსტიკის ულტრათანამედროვე მეთოდს.
რა არის ბიოფსია?
ბიოფსია ეს არის სამედიცინო პროცედურა, რომელიც ინიშნება ონკოლოგიური დაავადებების დროულად გამოსავლენად და მოიცავს დაზიანებული ქსოვილიდან მასალის ამოღებასა და მის ანალიზს. ბიოფსიის შედეგები გამორიცხავს ან ადასტურებს ჯანმრთელობისათვის საზიანო პროცესების არსებობას ადამიანის ორგანიზმში.
რა შემთხვევაში ინიშნება?
ბიოფსია ტარდება, როდესაც რადიოლოგიური და ლაბორატორიული კვლევებით ვერ ხერხდება დიაგნოზის დადასტურება. კვლევა ექიმს საშუალებას აძლევს უჯრედები პირდაპირ, მიკროსკოპული გზით შეისწავლოს.
როგორ კეთდება ?
ბიოფსიის დროს ადამიანის ორგანიზმიდან იღებენ ქსოვილის მცირე ნაწილაკს გამოსაკვლევად. ამ პროცესს პუნქციას უწოდებენ. ბიოფსიით მიღებული მასალაზე ტარდება ჰისტოლოგიური, ან ციტოლოგიური კვლევა, ხოლო პასუხის მიხედვით, ექიმი საზღვრავს მკურნალობის მეთოდებს: ოპერაციული ჩარევა, ჰორმონალური თერაპია, მულტიმოდალური მკურნალობა;
ბიოფსიის სახეები:
ბიოფსიის სახეები ერთმანეთისგან განსხვავდება იმის მიხედვით, თუ რომელი ორგანოს კვლევა ტარდება. სწორედ სამიზნე ორგანოს მიხედვით განსხვავდება ერთმანეთსგან პუნქციის ნემსის ზომებიც . შესაძლოა ჩატარდეს, როგორც ულტრასონოგრაფიის, ისე კომპიუტერული ტომოგრაფიის კონტროლით, იმის გათვალისწინებით თუ რომელი ორგანოს გამოკვლევა მიმდინარეობს:
- ასპირაციული წვრილნემსიანი
- მსხვილნემსიანი
- ღია, ანუ ოპერაციული
- ლაპაროსკოპიული
- ენდოსკოპიური
და, როგორც აღვნიშნეთ პროსტატის ბიოფსიის ახალი, მსოფლიო სტანდარტი –დამიზნებითი (თარგეთული) ბიოფსია ExactVu -ს მიკრო-ექოსკოპიის აპარატით, რომელიც სწრაფი და უმტკივნეულოა; ამ ეტაპზე, კი-ქვეყანასა და რეგიონში ხორციელდება მხოლოდ MMT ჰოსპიტალში.
დამიზნებითი ბიოფსია, თავის მხრივ კიდევ იყოფა და არსებობს რამდენიმე სახის: დამიზნებითი (თარგეთული) ბიოფსია მიკროექოსკოპიის კონტროლით, ,,ფიუჟენ’’ (Fusion) ბიოფსია- მაგნიტური რეზონანსის (MRI) და სტანდარტული ექოსკოპიის ერთდროული კონტროლით , და ულტრათანამედროვე, ,,ფიუჟენ’’ (Fusion) ბიოფსია, მაგნიტური რეზონანსის (MRI) და მიკრო-ექოსკოპიის ერთდროული კონტროლით
,,ფიუჟენ’’ ბიოფსიის ეს უზუსტესი და უახლესი მეთოდი წარმოადგენს მიკროექოსკოპიისა და MRI-ის მონაცემების შერწყმას ExactVu-ს მიკრო-ულტრაბგერით პლატფორმაზე და იძლევა გარჩევადობის სრულად ახალ დონეს, რომელიც უზრუნველყოფს პროსტატის კიბოს 100%-იან დიაგნოსტიკას , კერძოდ:
- საეჭვო ქსოვილის უზუსტეს დიფერენცირებას
- საეჭვო რეგიონების უზუსტეს ვიზუალიზაციას
- საეჭვო უბანზე უზუსტეს დამიზნებას
- დამიზნებითი ბიოფსიის რეალურ დროში წარმოებას
რომელი ორგანოებიდან არის მასალის აღება შესაძლებელი?
გამოსაკვლევი ქსოვილის ნიმუშის აღება შესაძლებელია სხეულის თითქმის ყველა ორგანოდან. კვლევის შედეგით დგინდება რა ტიპისაა პათოლოგია, მაგალითად, ფუნქციურია თუ სტრუქტურული. იმ შემთხვევაში, როდესაც დიაგნოზი უკვე დასმულია , ბიოფსიის საშუალებით შეიძლება დადგინდეს დიაგნოზის სიმწვავე და დონე, მაგალითად სიმსივნის აგრესიულობა.
მტკივნეული, თუ არა პროცედურა?
უმეტეს შემთხვევაში უმტკივნეულოა. თუმცა ეს დამოკიდებულია სხეულის რომელი ორგანოდან ხდება ნიმუშის აღება. პროცედურის დროს პაციენტი შეიძლება განიცდიდეს სუსტ, მონოტონურ ტკივილებს, რომელთა შემსუბუქებაც შესაძლებელია ტკივილგამაყუჩებლებით, რათქმაუნდა ექიმის რეკომენდაციით. დამატებითი ინფორმაცია იხილეთ ბმულზე
რამდენ ხანში ხდება პასუხის მიღება?
შედეგების მისაღებად რამდენიმე დღეა საჭირო, თუმცა, ამის წინასწარი განსაზღვრა ძნელია, რადგან პირველადი გამოკვლევის შემდეგ, შესაძლებელია საჭირო გახდეს დამატებითი კვლევებიც ბიოფსიით მიღებულ ნიმუშზე.
