ქარაზანაშვილის რობოტული ცენტრი – გლობალურ ლიდერებს შორის ონკო-უროლოგიურ და რეკონსტრუქციულ ქირურგიაში

ქარაზანაშვილის რობოტული ცენტრი- გლობალური ლიდერი ონკო-უროლოგიურ და რეკონსტრუქციულ ქირურგიაში‼

კიდევ ერთი უმნიშვნელოვანესი სამეცნიერო ნაშრომი  ქარაზანაშვილის რობოტული ცენტრიდან მსოფლიოს წამყვან სამეცნიერო ჟურნალში! ამჯერად, ხელოვნური შარდის ბუშტის შექმნის ჩვენეული ტექნიკის შესახებ, რომელსაც მინიმუმამდე დაჰყავს ამ ურთულესი ოპერაციის გართულებები.

რაში მდგომარეობს შარდის ბუშტის კიბოს ოპერაციისა და ხელოვნური შარდის ბუშტის შექმნის ეს ინოვაციური ტექნიკა :

რადიკალური ცისტექტომია, წარმოადგენს  შარდის ბუშტის კიბოს მკურნალობის სტანდარტულ მეთოდს,  რომელიც, ზოგადად, ქირურგიული მასშტაბითა და სირთულით არის ერთ-ერთი ხანგრძლივი და რთული ოპერაცია. ძირითად პრობლემას კი ოპერაციის შემდგომი  გართულებები წარმოადგენს . სწორედ ამ უკანასკნელთა მაქსიმალურად შესამცირებლად, ქარაზანაშვილის რობოტულ ცენტრში  პროფესორ გურამ ქარაზანაშვილის მიერ შემუშავებული და დანერგილი იქნა  ახალი ტექნიკა  -პერიტონეუმის დაზოგვა და ახალი შარდის ბუშტის სრული ექსტრაპერიტონიზაცია. ამ ინოვაციური ტექნიკით ოპერაციების შესრულებამ კი  სიცოცხლისთვის საშიში შემდგომი  გართულებები  საერთო პროცენტული მონაცემებით 30,3%-დან – 5,08%-მდე შეამცირა . აღნიშნული ტექნიკებით შესრულებული ცისტექტომიის ვიდეოაღწერილობა ჯერ კიდევ 2018 წელს მოხსენდა ამერიკის უროლოგთა ასოციაციის კონგრესზე, სადაც ნაჩვენები იყო თუ როგორ ხორციელდება  ცისტექტომია ახლებური ტექნიკით. სწორედ ხელოვნური შარდის ბუშტის შექმნის ჩვენეული ტექნიკის შესახებ, ქარაზანაშვილის რობოტული ცენტრიდან მომზადებული სამეცნიერო ნაშრომი გამოქვეყნდა მსოფლიოს წამყვან სამეცნიერო ჟურნალში , რაც უპირობოდ გლობალური აღიარებაა ონკო-უროლოგიურ და რეკონსტრუქციულ ქირურგიაში, ვინაიდან როგორც ავღნიშნეთ, ინოვაციურ ტექნიკას მინიმუმამდე დაჰყავს ამ ურთულესი ოპერაციის მასშტაბური გართულებები. გაეცანით დეტალურად ბმულზე