პროფესორ გურამ ქარაზანაშვილის მრავალწლიანი გამოცდილება და რობოტულ ქირურგიაში მიღწეული წარმატება კიდევ ერთხელ მოექცა საერთაშორისო სამედიცინო საზოგადოების ყურადღების ცენტრში, ჩინეთში, ქალაქ ჩანგდუში, 21-22 მარტს გამართულ რობოტული ქირურგიის საერთაშორისო კონფერენციაზე.
აღნიშნული ფორუმი წარმოადგენდა ერთ-ერთ ყველაზე მნიშვნელოვან პლატფორმას, სადაც თავი
მოიყარეს თანამედროვე უროლოგიისა და მინიმალურად ინვაზიური ქირურგიის წამყვანმა სპეციალისტებმა.
კონფერენციაში მონაწილეობდნენ ჩინეთის, აზიის, ევროპის და ამერიკის უროლოგიური ელიტის წარმომადგენლები, რომლებმაც განიხილეს რობოტული ქირურგიის უახლესი მიღწევები, ინოვაციური ტექნოლოგიები და კლინიკური პრაქტიკის თანამედროვე სტანდარტები.
West China Hospital ჩინეთისა და აზიის ერთ-ერთი წამყვანი სამედიცინო ცენტრია ის იქცა ინოვაციურ სივრცედ, სადაც ტელექირურგიის ინოვაციური პლატფორმა ოფიციალურად გაიხსნა. ეს სისტემა მედიცინაში სრულიად ახალ რეალობას ამკვიდრებს.
აღსანიშნავია, რომ ტექნოლოგიურმა პროგრესმა შესაძლებელი გახადა ულტრათანამედროვე რობოტის, Toumai-ს მეშვეობით, ქირურგიული ჩარევები 2 000-დან 19 000 კილომეტრამდე მანძილზე განხორციელებულიყო. ეს ნიშნავს, რომ მანძილი აღარ წარმოადგენს ბარიერს: უმაღლესი კვალიფიკაციის ქირურგს უკვე შეუძლია სხვა კონტინენტიდან, რეალურ დროში და მილიმეტრული სიზუსტით მართოს საოპერაციო პროცესი.
საამაყოა, რომ ტექნოლოგია, რომელიც დღეს მსოფლიო მედიცინის მწვერვალად და მომავლის ხედვად მიიჩნევა, საქართველოში, „ქარაზანაშვილის რობოტულ ცენტრში“, უკვე ორი წელია ყოველდღიური პრაქტიკის ნაწილია. პროფესორი გურამ ქარაზანაშვილი კი არის რობოტული ქირურგიის ფუძემდებელი საქართველოში და მთელს კავკასიის რეგიონში.
ბოლო ორი წლის განმავლობაში, ულტრათანამედროვე რობოტ Toumai-ს გამოყენებით, პროფესორმა 300-ზე მეტი ურთულესი ოპერაცია ჩაატარა პროსტატაზე, თირკმელსა და შარდის ბუშტზე.
დღეისათვის „ქარაზანაშვილის რობოტული ცენტრი“ ფლობს მსოფლიოში ერთ-ერთ მოწინავე პრაქტიკას რობოტული ქირურგიის მიმართულებით და აგრძელებს თანამედროვე სტანდარტების დანერგვას.
შედეგად, ქართველ პაციენტებს აქვთ შესაძლებლობა, საკუთარ ქვეყანაში მიიღონ მკურნალობა, რომელიც სრულად შეესაბამება მსოფლიო მედიცინის უმაღლეს დონეს. პროფესორ ქარაზანაშვილის საერთაშორისო აღიარება კიდევ ერთი დასტურია იმისა, რომ საქართველო მყარად იკავებს ადგილს მაღალტექნოლოგიური მედიცინის მსოფლიო რუკაზე.
