პროსტატის მიკროექოსკოპია წარმოადგენს დიაგნოსტიკურ მწვერვალს პროსტატის დაავადებათა დიაგნოსტიკაში, რომელიც ხელმისაწვდომია რეგიონში მხოლოდ ჩვენს კლინიკა „ემ-ემ-ტე ჰოსპიტალში“. მას არ გააჩნია ანალოგი მეზობელ ქვეყნებში (თურქეთი, რუსეთი, აზერბაიჯანი, სომხეთი), ხოლო ევროპასა და ჩრდილოეთ ამერიკაში ხელმისაწვდომია მხოლოდ წამყვან კლინიკებში. მუშაობის პრინციპი დაფუძვნებულია ულტრაბგერის მაღალ სიხშირეზე, რომელიც იძლევა 300%-ით გაუმჯობესებული გამოსახულებას ტრადიციულ ულტრაბგერასთან შედარებით. გამოსახულების „ცოცხალ“ რეჟიმში ვიზუალიზაციისა, კიბოზე საეჭვო უბნების გამოვლენისა და თარგეტული ტრანსპერინეული ან ტრანსრექტალური ბიოფსიისთვის, მიკროექოსკოპიას არ გააჩნია მსოფლიოში ანალოგი.
რა არის პროსტატის ტრანსპერინეული და ტრანსრექტალური ბიოფსია მიკროექოსკოპული კონტროლით?
პროსტატის ტრანსპერინეული და ტრანსრექტალური თარგეტული ბიოფსია მიეკკუთვნება მცირე პროცედურებს უროლოგიაში. პროცედურის დროს სპეციალური გადამწოდი თავსდება სწორ ნაწლავში, რომელიც ახდენს პროსტატის ვიზუალიზაციას, ხდება სიმსივნეზე საეჭვო უბნების გამოვლენა და მათი ბიოფსია. ორგანოდან ქსოვილის მცირე ფრაგმენტის აღება ხორციელდება სპეციალური ნემსითა და საბიოფსიო მოწყობილობით ტრანსრექტალურად ან ტრანსპერინეულად. პროცედურა არის ხანმოკლე (5-7წთ) და არის უმტკივნეულო.
პროსტატის ბიოფსია მიკროექოსკოპული კონტროლით ეფექტურად ავლენს პროსტატის კიბოზე საეჭვო უბნებს და 100% დამიზნებით ახორციელებს ქსოვილის აღებას საჭირო უბნებიდან. მისი ეფექტურობა დამტკიცებულია არაერთი სამეცნიერო კვლევით. თუმცა მხოლოდ აქ არ მთავრდება მისი ეფექტურობა. შესაძლებელია პროსტატის მაგნიტურ-რეზონანსული ტომოგრაფიის შერწყმა ( FUSION) პროსტატის მიკროექოსკოპიის ცოცხალ გამოსახულებასთან, რომლის ეფექტურობა თითქმის 100%-ა. ეს მეთოდი წარმოადგენს პროსტატის ბიოფსიის უმაღლეს მიღწევას, რომელიც არის უახლესი სიტყვა თანამედროვე მედიცინაში.
ვის სჭირდება და რა შემთხვევაში კეთდება პროსტატის ტრანსრექტალური ან ტრანსპერინეული თარგეტული ბიოფსია?
- მომატებულია პროსტატ-სპეციფიური ანტიგენი (პსა) – დიდი ხნის განმავლობაში არსებული სტანდარტი პსა-ს მაჩვენებელში ითვლებოდა 0-4ნგ/მლ. თითქმის 2 წელია, რაც ევროპის უროლოგთა ასოციაციის მიერ რეკომენდებული ნორმა წარმოადგენს 0 – 2 ნგ/მლ-ს.
- პროსტატის ტრანსრექტალური გასინჯვით გამოვლენილი საეჭვო ქსოვილის არსებობა
- პროსტატის კიბოზე საეჭვო უბნები, რომელიც გამოვლინდება პროსტატის მიკროექოპიის დროს
- პროსტატის კიბოზე საეჭვო უბნები, რომელიც გამოვლინდება პროსტატის მულტიპარამეტრული მაგნიტურ-რეზონანსული ტომოგრაფიისა და სტანდარტული ექოსკოპიის დროს
- განსაკუთრებით აქტუალური და ეფექტურია პროსტატის თარგეტული
ტრანსპერინეული ბიოფსიის ჩატარება დიდი ზომის პროსტატის შემთხვევაში.
პროსტატის ტრანსრექტალური ან ტრანსპერინეული ბიოფსიის შემდგომ (როგორც ნებისმიერი ბიოფსიისას) , იაშვიათად, მაგრამ შესაძლებელია უმნიშვნელო, ხანმოკლე სირთულეები ?
- მცირედი სისხლდენა საშარდე მილიდან ან სწორი ნაწლავიდან მცირე ხნით
- მცირე რაოდენობის სისხლის არსებობა შარდშიმ სპერმასა და განავალში
- ინფექცია (<1%)
- მცირედი დისკომფორტი პროცედურის შემდგომ
- იშვიათად, მოშარდვის გაძნელება
რეკომენდაციები ბიოფსიის შემდგომ
- მძიმე ფიზიკური დათვირთვის შეზღუდვა ერთი კვირის განმავლობაში
- სქესობრივი კავშირის შეზღუდვა ერთი კვირის განმავლობაში
- მიიღეთ დიდი რაოდენობით სითხე
- მოერიდეთ ალკოჰოლურ სასმელს ერთი კვირის განმავლობაში
- მდგომარეობის გაუარესების შემთხვევაში აუცილებლად დაუკავშირდით თქვენს მკურნალ ექიმს
