დარტყმით-ტალღოვანი თერაპია (ESWT) არის თანამედროვე, არაინვაზიური და მაღალეფექტური მკურნალობის მეთოდი, რომელიც რევოლუციურ შედეგებს აჩვენებს უროლოგიური დაავადებების მართვაში. პროცედურა სრულიად უსაფრთხოა, არ საჭიროებს ქირურგიულ ჩარევას და პაციენტისთვის აბსოლუტურად უმტკივნეულოა.
რატომ ქარაზანაშვილის რობოტული ცენტრი?
დარტყმით-ტალღოვანი თერაპია ქარაზანაშვილის რობოტულ ცენტრში 2019 წლიდან ტარდება და დღეს უკვე ერთ-ერთ ყველაზე გამოცდილ მიმართულებად ითვლება.კლინიკაში ჩატარებული ათასობით პროცედურა და დაგროვილი მრავალწლიანი გამოცდილება თითოეული პაციენტისთვის მაქსიმალური შედეგის მიღწევაზეა ორიენტირებული.
რა დროს გამოიყენება დარტყმით–ტალღოვანი თერაპია?
მეთოდი ეფექტურია ისეთი გავრცელებული პრობლემების სამკურნალოდ, რომლებიც მნიშვნელოვნად აისახება მამაკაცის ცხოვრების ხარისხსა და თვითშეფასებაზე:
- ერექციული დისფუნქცია (პოტენციის დაქვეითება)
- ქრონიკული პროსტატიტი და მენჯის ტკივილის სინდრომი
- პეირონის დაავადება (სასქესო ასოს გამრუდება)
- პროსტატის ფიბროზი და კალცინოზი
როგორ მუშაობს აღნიშნული მეთოდი?
ერექციული დისფუნქციის დროს დაბალსიხშირული აკუსტიკური ტალღები ზემოქმედებს ღრმად მდებარე ქსოვილებზე, რაც:
- ასტიმულირებს ახალი სისხლძარღვების (არტერიოლების) წარმოქმნას
- მნიშვნელოვნად აუმჯობესებს სისხლის მიმოქცევას
- აჩქარებს ქსოვილთა გაჯანსაღებისა და რეგენერაციის პროცესს
მნიშვნელოვანია, რომ თერაპია მიმართულია პრობლემის გამომწვევ მიზეზზე და არა მხოლოდ დროებით სიმპტომურ გაუმჯობესებაზე, რაც ხანგრძლივ და ბუნებრივ შედეგს უზრუნველყოფს.
ვისთვის არის ეს მეთოდი განკუთვნილი?
დარტყმით-ტალღოვანი თერაპია რეკომენდებულია იმ მამაკაცებისთვის, ვისაც აღენიშნება ერექციული დისფუნქცია და სხვა უროლოგიური პრობლემები, რომელთა მართვაც შესაძლებელია არაინვაზიური მეთოდით.
პროცედურის უპირატესობები
- სრული კომფორტი — პროცედურა უმტკივნეულოა და არ საჭიროებს ანესთეზიას
- სისწრაფე — ერთი სეანსი გრძელდება დაახლოებით 20 წუთი
- რეაბილიტაციის გარეშე — პაციენტი დაუყოვნებლივ უბრუნდება ცხოვრების ჩვეულ რიტმს
- საერთაშორისო აღიარება — მეთოდი დამტკიცებულია ევროპის უროლოგთა ასოციაცია-ის გაიდლაინებით და არ გააჩნია გვერდითი მოვლენები
